నక్సల్ దాడిలో 11 మంది సీఆర్‌పీఎఫ్ జవాన్ల మృతి

ఛత్తీస్‌గఢ్‌లో నక్సలైట్లు.. సీఆర్‌పీఎఫ్ జవాన్లపై విరుచుకుపడ్డారు. ఈ రోజు ఉదయం అటవీ ప్రాంతంలో కూంబింగ్‌ నిర్వహిస్తున్న సెంట్రల్ రిజర్వ్ పోలీస్ ఫోర్స్ (సీఆర్‌పీఎఫ్‌) జవాన్లపై మావోయిస్టులు ఆకస్మికదాడికి పాల్పడ్డారు. సుక్మా జిల్లా బెజ్జి ప్రాంతంలో జరిగిన ఈ ఘటనలో 11 మంది సీఆర్‌పీఎఫ్‌ జవాన్లు మరణించినట్లు తెలుస్తోంది. గాయపడిన మరో ఇద్దరు జవాన్లను చికిత్స నిమిత్తం రాయ్‌పూర్‌ ఆస్పత్రికి తరలించారు.

మరణించిన జవాన్ల దగ్గర నుంచి ఆయుధాలు, రేడియో సెట్లను మావోయిస్టులు అపహరించుకుపోయినట్లు అధికారులు వెల్లడించారు. ఇరు వర్గాల మధ్య జరిగిన ఎదురుకాల్పులు ప్రస్తుతం ముగిసినట్లు తెలుస్తోంది. పూర్తి వివరాలు తెలియాల్సి ఉంది.