ఈవీఎం అంటే ‘ఎవ్రీ ఓట్ మోదీ’: సీఎం

ఎలక్ట్రానిక్ ఓటింగ్ మిషన్ (ఈవీఎం)లకు ఉత్తర్ ప్రదేశ్ ముఖ్యమంత్రి యోగి ఆదిత్యనాథ్ కొత్త అర్థం చెప్పారు. ఈవీఎం అంటే ‘ఎవ్రీ ఓట్ మోదీ’ (ప్రతి ఓటు మోదీదే) అని అభివర్ణించారు. మొన్న అద్భుత విజయాన్ని అందించిన మున్సిపల్ ఎన్నికలతో ప్రజలు ఈవీఎంలను ‘ఎవ్రీ ఓట్ మోదీ’గా నిరూపించారని యోగి అన్నారు.

శనివారం గోరక్ పూర్ లో జరిగిన పార్టీ సమావేశంలో యోగి ఈ వ్యాఖ్యలు చేశారు.

ఇటీవల ఐదు రాష్ట్రాలకు జరిగిన అసెంబ్లీ ఎన్నికల్లో ఏ పార్టీకి ఓటేసినా అది బీజేపీకే వెళ్తోందని ఆమ్ ఆద్మీ పార్టీ, కాంగ్రెస్, సమాజ్ వాదీ పార్టీ, బహుజన్ సమాజ్ పార్టీలు ఆరోపించిన సంగతి తెలిసిందే. ఈవీఎంలు ట్యాంపర్ అయ్యాయని నేతలు న్యాయస్థానాలను సైతం ఆశ్రయించారు.