పెళ్లివారిళ్లు, రైతులకు కేంద్రం మరో ఛాన్స్

రైతులు, పెళ్ళిళ్లు జరిగే కుటుంబాలకు కేంద్ర ప్రభుత్వం శుభవార్త ప్రకటించింది. పెళ్లి జరిగే కుటుంబాలు బ్యాంకుల నుండి వారానికి రూ.2.50 లక్షలు, రైతులు రూ. 25వేలు విత్ డ్రా చేసుకోవచ్చని కేంద్రం వెల్లడించింది. అవి కూడా ఒకే ఖాతా నుంచి తీసుకోవాలని కేంద్రం షరతు విధించింది.

‘రైతులకు ప్రభుత్వం విడుదల చేసిన పంట రుణాల నుంచి వారానికి రూ.25వేల చొప్పున విడుదల చేసుకునే వెసులుబాటు కల్పించాలని నిర్ణయించింది’ అని ఆర్థికశాఖ కార్యదర్శి శశికాంత దాస్ గురువారం వెల్లడించారు.

అయితే బ్యాంకుల నుంచి విత్ డ్రా చేసుకునే డబ్బులు సంబంధిత రైతుల పేరిట విడుదలైన రుణాల నుంచే తీసుకోవాలని, అందుకు సంబంధిత ఆధారాలు చూపించాలని ఆయన సూచించారు.