గుజరాత్‌లో గ్రేట్ ఎస్కేప్.. భూమి మీద నూకలున్నాయి

నిజంగానే గ్రేట్ ఎస్కేప్. అంత పెద్ద ప్రమాదం జరిగినా... చిన్న, చిన్న గాయాలతో బయటపడటం నిజంగా మిరాకిల్. గుజరాత్‌లో జరిగిన ప్రమాదం ఇప్పుడు సోషల్ మీడియాలో వైరల్‌గా మారింది. బనస్కాంత హైవేపై ఓ వ్యక్తి భార్య, కొడుకుతో కలిసి బైక్‌పై వెళుతున్నాడు. మెల్లిగా రోడ్డు దాటేందుకు వెళుతుండగా... దాదాపు 100 కిలో మీటర్ల స్పీడ్‌తో ఓ ట్రక్ వచ్చింది. బైక్‌ను ఢీకొట్టింది. ముగ్గురు గాల్లోకి ఎగిరి కిందపడ్డారు. అంతా సెకన్ల వ్యవధిలోనే జరిగిపోయింది. అంత స్పీడ్‌‌‌గా ట్రక్ ఢీకొట్టినా... ముగ్గురు ప్రాణాలతో బయటపడ్డారు. వారికి చిన్న, చిన్న గాయాలు మాత్రమే అయ్యాయి.


ప్రమాదాన్ని వెంటనే గమనించి స్థానికులు వెంటనే అక్కడికి వచ్చి వారిని ఆస్పత్రికి తరలించారు. కాని ప్రమాదంలో బైక్ మాత్రం నుజ్జునుజ్జయ్యింది. అయితే తల్లిదండ్రులతో పాటూ బైక్‌పై ఉన్న బుడతడు... ప్రమాదం తర్వాత నడుచుకుంటూ వచ్చి... తల్లిని లేపడం విశేషం. ఈ సీన్ మొత్తం దగ్గర్లోని సీసీ కెమెరాల్లో రికార్డయ్యాయి. ఇప్పుడు ఈ వీడియో వైరల్‌గా మారింది.