యాప్నగరం

2022 కల్లా రైతుల ఆదాయం రెట్టింపు: మోదీ

గడిచిన మూడేళ్ల పాలనలో దేశం కోసం, అన్ని వర్గాల అభివృద్ధికోసం అహర్నిషలు కృషి చేశామని

TNN 26 May 2017, 8:00 pm
గడిచిన మూడేళ్ల పాలనలో దేశం కోసం, అన్ని వర్గాల అభివృద్ధికోసం అహర్నిషలు కృషి చేశామని ప్రధానమంత్రి నరేంద్ర మోదీ పునరుద్ఘాటించారు. నవ భారత నిర్మాణమే తమ లక్ష్యమని స్పష్టం చేశారు. ఆయన వివిధ అంశాలు, పథకాలపై మాట్లాడారు.
Samayam Telugu farmers income will be doubled by 2022 says modi
2022 కల్లా రైతుల ఆదాయం రెట్టింపు: మోదీ


2022 కల్లా రైతుల ఆదాయం రెండింతలు కావాలని అన్నారు. అందుకు తమవంతుగా కృషి చేస్తామని చెప్పారు. అసోంలో నిర్వహించిన పాన్-ఇండియా ఫెస్టివల్‌లో భాగంగా ఏర్పాటు చేసిన కార్యక్రమంలో ప్రధాని ప్రసంగించారు. ‘సంపద యోజన’ పథకం ద్వారా వ్యవసాయ ఉత్పత్తుల విలువను మరింత పెంచనున్నట్లు వెల్లడించారు. మొదటి సారిగా ఓబీసీల అభ్యున్నతికి ఓబీసీ కమిషన్ ఏర్పాటుకు చర్యలు తీసుకున్నామని గుర్తు చేశారు. తనపై నమ్మకం ఉంచి ప్రధాన్ సేవక్‌గా తనకు అవకాశమిచ్చిన ప్రజలందరికీ ధన్యవాదాలు చెబుతున్నానని చెప్పారు.

ఈ మూడేళ్లలో నల్లధనాన్ని అంతమొందించేందుకు తీవ్రంగా కృషి చేశామని చెప్పిన మోదీ..డిజిటల్ చెల్లింపులతో పారదర్శకతకు బాటలు వేశామన్నారు.

‘నా మనసు, మైండ్, ఆత్మలను భారతమాతకు అంకితం ఇచ్చా. ఇంకా ఇవ్వాలనుకుంటున్నా. అవినీతి రూపుమాసిపోవాలని ప్రతి ఒక్కరూ కోరుతున్నారు. ప్రతిఒక్కరు నిజాయతీగా బతకాలని అనుకుంటున్నారు. 125కోట్ల భారతీయులు మేం చేపట్టే కార్యక్రమాలకు మద్దతుగా నిలిచారు. స్వచ్ఛ భారత్ ఉద్యమంలో భాగస్వాములయ్యారు. మీడియా కూడా కీలక పాత్ర పోషించింది’ అని మోదీ పేర్కొన్నారు.

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.