పుదుచ్చేరి: పడవల తయారీ కంపెనీ భారీ అగ్ని ప్రమాదం

పుదుచ్చేరి హార్బర్‌ సమీపంలో శుక్రవారం తెల్లవారుజామున అగ్ని ప్రమాదం చోటుచేసుకుంది. కోకోనట్ హార్బర్ వద్ద పడవల తయారీ పరిశ్రమలో ప్రమాదం సంభవించింది. ప్రమాదం గురించి సమాచారం అందుకున్న అగ్నిమాపక సిబ్బంది అక్కడకు చేరుకుని సహాయక చర్యలు చేపట్టారు. ఎనిమిది ఫైర్ ఇంజిన్ల సాయంతో మంటలను అదుపులోకి తీసుకొచ్చారు. ప్రమాదానికి గల కారణాలు తెలియాల్సి ఉందని అధికారులు తెలిపారు. ఈ ఘటనపై కేసు నమోదుచేసిన పోలీసులు.. దర్యాప్తు ప్రారంభించారు.

ప్రమాదం ఎలా జరిగిందనేది విచారణలో వెల్లడవుతుందని మొదిలియార్‌పేట్ పోలీసులు తెలిపారు. అయితే, ఎవ్వరూ గాయపడలేదని, ఎటువంటి ప్రాణ నష్టం జరగలేదని పేర్కొన్నారు. భారీగా ఆస్తి నష్టం సంభవించినట్టు తెలుస్తోంది. దీనిపై పూర్తి వివరాలు ఇంకా తెలియాల్సి ఉంది.