జమ్మూకశ్మీర్‌లోని (Jammu Kashmir) రాజౌరి జిల్లాలో గురువారం బస్సు ప్రమాదం జరిగింది. ఈ ఘటనలో ఐదుగురు చనిపోగా.. మరో 25 మందికి గాయాలయ్యాయి. బస్సు పూంచ్ నుంచి జమ్మూ వెళ్తుండగా గలి సమీపంలో అదుపు తప్పి లోయలో పడిపోయింది. ఈ విషయం తెలిసిన వెంటనే పోలీసులు ఘటనా స్థలానికి చేరుకున్నారు. స్థానికులతో కలసి, గాయపడిన వారిని వెంటనే సమీపంలోని ఆస్పత్రికి తరలించారు.
అయితే జమ్మూకశ్మీర్‌లో 24 గంటల్లో ఇది రెండో ప్రమాదం. బుధవారమే పూంఛ్ జిల్లాలోని సాజియాన్ ప్రాంతంలో ఓ మినీ బస్సు లోయలో పడిపోయింది. ఈ యాక్సిడెంట్‌లో 11 మంది ప్రాణాలు కోల్పోయారు. ఎంతోమంది గాయపడ్డారు. గాయపడిన వారందరినీ మండిలోని ఆస్పత్రికి తరలించారు. బస్సు లోయలో పడినప్పుడు అందులో 36 మంది ఉన్నారు. పూంఛ్ నుంచి గాలి మైదాన్‌కు బస్సు వెళ్తున్న సమయంలో సాజియాన్‌లోని బ్రారీ నాలాకు రాగానే బస్సు అదుపు తప్పింది. ఇది జరిగిన విషయం తెలుసుకున్న వెంటనే సైన్యం అక్కడకు చేరుకుని సహాయక చర్యలు చేపట్టారు.
అయితే జమ్మూకశ్మీర్‌లో 24 గంటల్లో ఇది రెండో ప్రమాదం. బుధవారమే పూంఛ్ జిల్లాలోని సాజియాన్ ప్రాంతంలో ఓ మినీ బస్సు లోయలో పడిపోయింది. ఈ యాక్సిడెంట్‌లో 11 మంది ప్రాణాలు కోల్పోయారు. ఎంతోమంది గాయపడ్డారు. గాయపడిన వారందరినీ మండిలోని ఆస్పత్రికి తరలించారు. బస్సు లోయలో పడినప్పుడు అందులో 36 మంది ఉన్నారు. పూంఛ్ నుంచి గాలి మైదాన్‌కు బస్సు వెళ్తున్న సమయంలో సాజియాన్‌లోని బ్రారీ నాలాకు రాగానే బస్సు అదుపు తప్పింది. ఇది జరిగిన విషయం తెలుసుకున్న వెంటనే సైన్యం అక్కడకు చేరుకుని సహాయక చర్యలు చేపట్టారు.