మాజీ ప్రధాని వాజ్‌పేయి ఆరోగ్యం విషమం!

మాజీ ప్రధాని, భారతీయ జనతా పార్టీ సీనియర్ నాయకుడు అటల్‌ బిహారీ వాజ్‌పేయి(93) ఆరోగ్య పరిస్థితి బుధవారం విషమించినట్లు తెలిసింది. గత కొద్దిరోజులుగా అనారోగ్యంతో బాధపడుతున్న వాజ్‌పేయి ఢిల్లీలోని ఎయిమ్స్‌లో చికిత్స పొందుతున్న సంగతి తెలిసిందే. ఆయన ఆరోగ్య పరిస్థితిపై ఎయిమ్స్ మరికొద్ది సేపటిలో హెల్త్ బులెటిన్ విడుదల చేయనుంది.

వాజ్‌పేయి ఆరోగ్యం పరిస్థితి ఆందోళనకరంగా ఉందని తెలియడంతో బీజేపీ పార్టీ తమ అధికారిక కార్యక్రమాలన్నీ రద్దు చేసింది. గురువారం విజయవాడలో జరగాల్సిన బీజేపీ కార్యాలయ శంకుస్థాపన కార్యక్రమాన్ని వాయిదా వేసినట్లు తెలిసింది. మూత్ర సంబంధ సమస్యలతో బాధపడుతున్న వాజ్‌పేయి జూన్‌ 12న ఎయిమ్స్‌లో చేరారు.