ప్రణబ్ ముఖర్జీ ఆరోగ్యం విషమం.. వెంటిలేటర్‌పై చికిత్స

మాజీ రాష్ట్రపతి ప్రణబ్‌ ముఖర్జీ (84) ఆరోగ్యం విషమించింది. ప్రస్తుతం ఆయణ్ని వెంటిలేటర్‌పై ఉంచి చికిత్స అందిస్తున్నట్లు విశ్వసనీయ వర్గాల ద్వారా తెలిసింది. ఇతర సమస్యలతో అస్వస్థతకు గురవడంతో వైద్యుల సూచన మేరకు ప్రణబ్ ముఖర్జీ సోమవారం (ఆగస్టు 10) ఉదయం ఢిల్లీలోని ఆర్మీ రీసెర్చ్ అండ్ రెఫరల్ హాస్పిటల్‌లో చేరారు. అయితే.. అక్కడ పరీక్షల అనంతరం ఆయనకు కరోనా పాజిటివ్‌గా తేలింది. ఈ విషయాన్ని ఆయన ట్విటర్ ద్వారా వెల్లడించారు. వారం రోజులుగా తనను కలిసిన వారందరినీ పరీక్షలు చేయించుకోవాల్సిందిగా ఆయన సూచించారు.

ప్రణబ్ ముఖర్జీకి బ్రెయిన్‌ సర్జరీని విజయవంతంగా పూర్తి చేసినట్టు ఆర్‌ అండ్‌ ఆర్‌ ఆస్పత్రి వర్గాలు సోమవారం రాత్రి వెల్లడించాయి. బ్రెయిన్‌లో బ్లడ్ క్లాట్ అవడంతో ఈ శస్త్రచికిత్స చేసినట్లు తెలిపారు. ప్రస్తుతం ఆయన వెంటిలేటర్ సపోర్టుపై ఉన్నట్లు తెలుస్తోంది.

Also Read: బిడ్డను చూడకుండానే కో-పైలట్ మృతి.. భార్యకు ఆ వార్త ఎలా చెప్పేది?