జమ్మూ కాశ్మీర్లో నలుగురు ఉగ్రవాదులు హతం

శనివారం ఉదయం నలుగురు ఉగ్రవాదులను భద్రతాదళాలు మట్టుపెట్టాయి. జమ్మూకాశ్మీర్ లోని రాంపూర్ సెక్టార్లో ఎల్వోసీ ప్రాంతంలో ఈ ఘటన జరిగింది. శనివారం ఉదయం ఎల్వోసీ వెంబడి అనుమానిత వ్యక్తుల కదలికలు ఉన్నట్టు భద్రతాదళాలకు సమాచారం అందింది. వెంటనే భద్రతా దళాలు రంగంలోకి దిగాయి. అటునుంచి అనుమానిత వ్యక్తులకు కాల్పులు ప్రారంభించడంతో... వారిని ఉగ్రవాదులుగా గుర్తించారు అధికారులు. వెంటనే ఎదురుకాల్పులు ప్రారంభించారు. నలుగురు ఉగ్రవాదుల్ని కాల్చి చంపాయి. ఇక్కడ ఇంకా ఉగ్రవాదులు ఉన్నారేమో అన్న అనుమానంతో ఇంకా సెర్చింగ్ జరుగుతోంది.

మరోపక్క సైము ట్రాల్ సెక్టార్ లో కూడా ఉగ్రవాదులు ఉన్నట్టు సమాచారం వచ్చింది. శనివారం ఉదయం నుంచి ఉగ్రవాదులకు, సైన్యానికి మధ్య ఎదురు కాల్పులు జరుగుతున్నాయి. అక్కడ ఇద్దరు ఉగ్రవాదులు దాక్కున్నట్టు అనుమానిస్తున్నారు ఆర్మీ అధికారులు.