గుజరాత్‌లో మరో దారుణం..11 ఏళ్ల బాలిక గ్యాంగ్ రేప్?

మొన్న ఉన్నావ్, నిన్న కథువా... ఇలా ఆడవాళ్లపై అఘాయిత్యాలు జరుగుతూనే ఉన్నాయి. ఈ రెండు ఘటనలు మర్చిపోకముందే... గుజరాత్‌లో మరో బాలికపై జరిగిన దారుణం బయటపడింది. సూరత్‌లోని భెస్తన్ క్రికెట్ గ్రౌండ్‌లో ఓ బాలిక మృతదేహాన్ని పోలీసులు గుర్తించారు. వెంటనే బాడీని పోస్ట్‌మార్టమ్‌ కోసం ఆస్పత్రికి తరలించారు. అయితే పోస్ట్ మార్టమ్‌ రిపోర్ట్‌లో బయటపడ్డ విషయాలు విని పోలీసుల షాకయ్యారు. వారం పాటూ ఆ పసిపాపపై అఘాయిత్యానికి పాల్పడి... చిత్రహింసలకు గురి చేసినట్లు అనుమానిస్తున్నారు. చెక్క తీసుకొని ఆమె మర్మాంగాలను కూడా దారుణంగా గాయపరిచనట్లు తేలింది.

బాలిక ఒంటిపై 86 గాయాలు కూడా ఉన్నాయి. అంటే చిన్నారిని ఎంత దారుణంగా హింసించారో అర్థమవుతుంది. వారం తర్వాత ఆమెను గొంతు నులిమి హత్య చేసి గ్రౌండ్‌లో పడేశారు. అయితే పాప వివరాలు కూడా తెలియడం లేదు. పాప నుంచి కొన్ని శాంపిల్స్ సేకరించి... ఫోరెన్సిక్ ల్యాబ్‌కు పంపించారు. ఆమె వివరాలు చెప్పినవారికి రూ.20వేలు బహుమతిగా ఇస్తామంటున్నారు పోలీసులు. ప్రధాని మోదీ సొంత రాష్ట్రంలోనే ఈ ఘటన జరగడం కలకలంరేపుతోంది. ఈ ఘటనపైనా ఆందోళనలు మొదలయ్యాయి.