బిల్లు పాసైన మరుసటి రోజే తలాక్.. భార్య ఆత్మహత్యా యత్నం

ముస్లిం మహిళల వివాహ హక్కులను పరిరక్షించాలనే ఉద్దేశంతో కేంద్ర ప్రభుత్వం ట్రిపుల్ తలాక్ రద్దు బిల్లును రూపొందించింది. అయితే ఈ బిల్లు రాజ్యసభలో ఆమోదం పొందిన మరుసటి రోజే విషాదం చోటు చేసుకుంది. భర్త ట్రిపుల్ తలాక్ చెప్పాడని గుజరాత్‌లోని ఓ మహిళ బుధవారం (జులై 31) ఆత్మహత్యా యత్నానికి పాల్పడింది. ప్రస్తుతం ఆసుపత్రిలో చికిత్స పొందుతోంది.

Read also: సింహాచలం: మెట్లమార్గంలో దైవ దర్శనానికి వెళుతూ మహిళ మృతి

భర్త.. తనను డబ్బులు అడిగాడని, ఇవ్వకపోవడంతో మూడుసార్లు తలాక్ చెప్పాడని ఆ మహిళ ఆరోపించింది. ఇస్లామిక్ చట్టాల ప్రకారం తాను విడాకులను ఆమోదించాల్సి వస్తోందని ఆవేదన వ్యక్తం చేసింది. విషయం తెలుసుకున్న పోలీసులు ఆమె భర్త, అత్తమామలపై కేసు నమోదు చేశారు. ట్రిపుల్ తలాక్ నిషేధ బిల్లు ప్రకారం వరుసగా మూడుసార్లు తలాక్ చెప్పి, విడాకులు ఇవ్వడం నేరం. దీనికి మూడేళ్ల పాటు జైలు శిక్ష అనుభవించాల్సి ఉంటుంది.

Read also: కుమార్తెపై అత్యాచారయత్నం.. పక్కింటి మహిళ రావడంతో మారిన సీన్

ముస్లిం మహిళల పాలిట శాపంగా మారిన ట్రిపుల్ తలాక్‌ను రద్దు చేస్తూ రాజ్య సభ మంగళవారం (జులై 30) ఆమోదం తెలిపింది. కేంద్ర ప్రభుత్వం ప్రతిష్టాత్మకంగా రూపొందించిన ‘ముస్లిం మహిళల రక్షణ (పెళ్లి హక్కులు) బిల్లు -2019’ పెద్దల సభ ఆమోదం పొందింది. మంగళవారం సాయంత్రం రాజ్యసభలో నిర్వహించిన ఓటింగ్‌లో 99-84 ఓట్లతో బిల్లుకు ఆమోదం లభించింది. ట్రిపుల్ తలాక్ రద్దు బిల్లు జులై 25న లోక్‌స‌భ‌ ఆమోదం పొందిన విషయం తెలిసిందే. రాజ్యసభలోనూ ఈ బిల్లు ఆమోదం పొందడంతో చట్టరూపం దాల్చనుంది.