నా పేరు ‘RV155677820’గా మార్చండి.. మూడేళ్లుగా ఓ వ్యక్తి పోరాటం!
తన పేరు మార్పు కోరుతూ గుజరాత్కు చెందిన ఓ ఆటో డ్రైవర్ మూడేళ్లుగా ప్రభుత్వాధికారులతో పోరాటం చేస్తున్నాడు. అసలు అతడు పేరు మార్చుకోవాలనుకోవడం వెనక కారణం ఏమిటి? అధికారులు ఎందుకు తిరస్కరిస్తున్నారు? అనేవి చర్చనీయాంశాలుగా మారాయి.
TNN 21 Mar 2018, 7:46 pm
తన పేరు మార్పు కోరుతూ గుజరాత్కు చెందిన ఓ ఆటో డ్రైవర్ మూడేళ్లుగా ప్రభుత్వాధికారులతో పోరాటం చేస్తున్నాడు. కానీ, అధికారులు అతడి అప్పీల్ను కారణం కూడా చెప్పకుండా నిర్ద్వందంగా తోసిపుచ్చుతున్నారు. తాజాగా మరోసారి తిరస్కరణ ఎదురవడంతో అతడు హైకోర్టును ఆశ్రయించడానికి సిద్ధమయ్యాడు. దీంతో ఈ అంశం హాట్ టాపిక్గా మారింది. అసలు అతడు పేరు మార్చుకోవాలనుకోవడం వెనక కారణం ఏమిటి? అధికారులు ఎందుకు తిరస్కరిస్తున్నారు? అనేవి చర్చనీయాంశాలుగా మారాయి.
అహ్మదాబాద్కు చెందిన రాజ్వీర్ ఉపాధ్యాయ్ (34) అనే వ్యక్తి ఆటో నడుపుతూ జీవనం సాగిస్తున్నాడు. అతడు తన పేరును ‘RV155677820’గా మార్చాలంటూ అధికారులకు దరఖాస్తు పెట్టుకున్నాడు. ఇందులో ఆర్వీ అనేది రాజ్వీర్కు షార్ట్ ఫామ్. ఆ తర్వాతదేమో అతడి స్కూల్ లీవింగ్ సర్టిఫికెట్ ఎన్రోల్మెంట్ నంబర్.
రాజ్వీర్ తన పేరు మార్చుకోవాలనుకోడానికి ప్రధాన కారణం.. అతడికి దేవుడిపై నమ్మకం లేకపోవడం. నాస్తికుడైన రాజ్వీర్ తన మతం, కులానికి సంబంధించిన ప్రస్తావన గానీ, అందుకు సంబంధించిన ఆధారాలు గానీ ఎక్కడా ఉండకూడదని బలంగా నిర్ణయించుకున్నాడు. అందుకోసం పేరు మార్పు కోరుతూ 2015లో అహ్మదాబాద్ కలెక్టరేట్లో దరఖాస్తు చేసుకున్నాడు.
కలెక్టరేట్ సూచన మేరకు గతేడాది రాజ్వీర్.. ప్రభుత్వ ప్రింటింగ్ అండ్ స్టేషనరీ డిపార్ట్మెంట్లోని గెజిట్ అధికారిని కలిసి విజ్ఞప్తి చేసుకున్నాడు. రాజ్వీర్ కోరుకున్నవిధంగా పేరు మార్చడం కుదరదంటూ గెజిట్ అధికారి అతడి దరఖాస్తును తిరస్కరించాడు.
రాజ్వీర్ ఎస్సీ కేటగిరీకి చెందిన గురు బ్రాహ్మిణ్ కులస్థుడు. తన పేరు ద్వారా తన కులం, మతం సులభంగా ఇట్టే తెలిసిపోతున్నాయి. ఇది అతడికి ఏమాత్రం ఇష్టం లేదు. ‘పేరు మార్చడానికి తిరస్కరించడం నా భావ స్వేచ్ఛా హక్కును హరించడమే. న్యాయం కోసం హైకోర్టును ఆశ్రయిస్తా’ అని అతడు చెబుతున్నాడు.
Read this in English
మరోవైపు.. రాజ్వీర్ వాదనకు చాలా మంది మద్దతిస్తున్నారు. ఓ ఆటో డ్రైవర్ను ముప్పుతిప్పలు పెట్టడం ప్రభుత్వ వర్గాలకు సరికాదంటూ మండిపడుతున్నారు. ‘గెజిట్ ఆఫీసర్, రిజిస్ట్రార్, హైకోర్టు చుట్టూ ప్రదక్షిణ చేయడానికి అతడేమైనా ధనవంతుడా.. తన తరఫున లాయర్ను కూడా పెట్టుకునే స్థోమత లేదు. ఓ నిరుపేద స్వేచ్ఛా హక్కును హరిస్తూ.. ఇలా ఇబ్బందులకు గురి చేయడం సరికాదు’ అంటున్నారు. రాజ్వీర్ పేరు మారుతుందో లేదో తెలీదు గానీ, ఈ ఉదంతం ద్వారా అతడి మతం, కులం దేశ ప్రజలందరికీ తెలిసిపోయి అతడి తలరాతే మారే ప్రమాదం వచ్చింది.
అహ్మదాబాద్కు చెందిన రాజ్వీర్ ఉపాధ్యాయ్ (34) అనే వ్యక్తి ఆటో నడుపుతూ జీవనం సాగిస్తున్నాడు. అతడు తన పేరును ‘RV155677820’గా మార్చాలంటూ అధికారులకు దరఖాస్తు పెట్టుకున్నాడు. ఇందులో ఆర్వీ అనేది రాజ్వీర్కు షార్ట్ ఫామ్. ఆ తర్వాతదేమో అతడి స్కూల్ లీవింగ్ సర్టిఫికెట్ ఎన్రోల్మెంట్ నంబర్.
రాజ్వీర్ తన పేరు మార్చుకోవాలనుకోడానికి ప్రధాన కారణం.. అతడికి దేవుడిపై నమ్మకం లేకపోవడం. నాస్తికుడైన రాజ్వీర్ తన మతం, కులానికి సంబంధించిన ప్రస్తావన గానీ, అందుకు సంబంధించిన ఆధారాలు గానీ ఎక్కడా ఉండకూడదని బలంగా నిర్ణయించుకున్నాడు. అందుకోసం పేరు మార్పు కోరుతూ 2015లో అహ్మదాబాద్ కలెక్టరేట్లో దరఖాస్తు చేసుకున్నాడు.
కలెక్టరేట్ సూచన మేరకు గతేడాది రాజ్వీర్.. ప్రభుత్వ ప్రింటింగ్ అండ్ స్టేషనరీ డిపార్ట్మెంట్లోని గెజిట్ అధికారిని కలిసి విజ్ఞప్తి చేసుకున్నాడు. రాజ్వీర్ కోరుకున్నవిధంగా పేరు మార్చడం కుదరదంటూ గెజిట్ అధికారి అతడి దరఖాస్తును తిరస్కరించాడు.
రాజ్వీర్ ఎస్సీ కేటగిరీకి చెందిన గురు బ్రాహ్మిణ్ కులస్థుడు. తన పేరు ద్వారా తన కులం, మతం సులభంగా ఇట్టే తెలిసిపోతున్నాయి. ఇది అతడికి ఏమాత్రం ఇష్టం లేదు. ‘పేరు మార్చడానికి తిరస్కరించడం నా భావ స్వేచ్ఛా హక్కును హరించడమే. న్యాయం కోసం హైకోర్టును ఆశ్రయిస్తా’ అని అతడు చెబుతున్నాడు.
Read this in English
మరోవైపు.. రాజ్వీర్ వాదనకు చాలా మంది మద్దతిస్తున్నారు. ఓ ఆటో డ్రైవర్ను ముప్పుతిప్పలు పెట్టడం ప్రభుత్వ వర్గాలకు సరికాదంటూ మండిపడుతున్నారు. ‘గెజిట్ ఆఫీసర్, రిజిస్ట్రార్, హైకోర్టు చుట్టూ ప్రదక్షిణ చేయడానికి అతడేమైనా ధనవంతుడా.. తన తరఫున లాయర్ను కూడా పెట్టుకునే స్థోమత లేదు. ఓ నిరుపేద స్వేచ్ఛా హక్కును హరిస్తూ.. ఇలా ఇబ్బందులకు గురి చేయడం సరికాదు’ అంటున్నారు. రాజ్వీర్ పేరు మారుతుందో లేదో తెలీదు గానీ, ఈ ఉదంతం ద్వారా అతడి మతం, కులం దేశ ప్రజలందరికీ తెలిసిపోయి అతడి తలరాతే మారే ప్రమాదం వచ్చింది.