నపుంసకుడు కాదు, సెక్స్ అడిక్ట్

అత్యాచారం కేసుల్లో దోషిగా తేలి ఇరవై సంవత్సరాల జైలు శిక్షను ఎదుర్కొంటూ, రోహ్‌తక్ కారాగారంలో ఉన్న డేరా బాబా గుర్మీత్ సింగ్ రామ్ రహీమ్ గురించి అసలు విషయాలు ఒక్కొక్కటిగా వెలుగులోకి వస్తున్నాయి. అత్యాచారం కేసుల నుంచి తప్పించుకోవడానికి తనను తాను నపుంసకుడిగా పేర్కొన్న గుర్మీత్ సింగ్ చెప్పినవన్నీ అబద్దాలే అని జైలు డాక్టర్లు, సైకియాట్రిస్టులు నిర్ధారించారు. గత శనివారం రోజున గుర్మీత్ కు జరిగిన వైద్య పరీక్షల వివరాలు తాజాగా వెలుగు చూశాయి.

జైల్లో గుర్మీత్ ఆరోగ్యాన్ని, అతడి వ్యవహరణ తీరును పరిశీలించిన వైద్యులు.. అతడు ఒక సెక్స్ అడిక్ట్ అని తేల్చారు. అతడు సెక్స్ కు బానిస అయ్యాడని స్పష్టం చేశారు. ఈ మేరకు జైలు వైద్యులు ఒక నివేదికను కూడా ఇచ్చినట్టు సమాచారం.

బాబాగా దేవుడని పూజలు అందుకొంటూ.. తన ఆశ్రమాల్లో స్వర్గసుఖాలూ అనుభవిస్తూ, అనేక అకృత్యాలకు పాల్పడుతూ.. జీవితాన్ని ఇష్టానుసారం
విశృంఖ‌లంగా గడిపిన గుర్మీత్ కు జైలు జీవితం నరకప్రాయంగా మారింది. కోరుకునే సౌఖ్యాలు ఏవీ లేక.. అతడు తల్లడిల్లిపోతున్నాడు. ప్రత్యేకించి అతడు మసాజ్ ను కోరుకుంటున్నాడని ఇది వరకే వార్తలు వచ్చాయి. అతడు సెక్స్ అడిక్ట్ అని.. ఇప్పుడది అందుబాటులో లేకపోవడంతో.. కృశించి పోతున్నాడని వైద్యులు పేర్కొన్నారు.

అలాగే గుర్మీత్ కు దశాబ్దాల నుంచి మద్యం సేవించే అలవాటు ఉందని తెలుస్తోంది. జైల్లో అది కూడా అందుబాటులో లేకుండా పోయింది. అలాగే.. అతడు డ్రగ్స్ అడిక్ట్ అని కూడా వార్తలు వస్తున్నాయి. ఆ విషయంపై వైద్యులు ఇంకా పరీక్ష చేయాలని సమాచారం.