కరోనా సోకిన మహిళను తాకుతూ.. యువకుడి పైత్యం.! చివరికి..

ఎన్ని కఠిన చట్టాలు చేసినా కామాంధుల్లో కనీస భయం కలగడం లేదు. నిత్యం అత్యాచారం, వేధింపుల ఘటనలు జరుగుతూనే ఉన్నాయి. ఓ వైపు కరోనా కరాళ నృత్యం చేస్తున్నా కామాంధుల పైత్యం ఆగడం లేదు. కరోనా సోకిన మహిళను కూడా వదలని దారుణ పరిస్థితులు దాపురించాయి. ఆమెను అసభ్యకరంగా తాకుతూ కామకోరికలు తీర్చాలని వేధింపులకు గురిచేశాడు. విషయం పోలీసులకి చేరడంతో కీచకుడిని అరెస్టు చేసి కటకటాల్లోకి నెట్టారు. ఈ దారుణ ఘటన ముంబైలో జరిగింది.

నగరంలోని అంధేరీ ప్రాంతానికి చెందిన మహిళ కరోనా సోకడంతో ఓ హోటల్‌ రూంలో ఐసోలేషన్‌లో ఉన్నారు. హోటల్‌ రూంలో ఉన్న మహిళపై కన్నేసిన హెల్త్ వర్కర్ ఆమెతో అసభ్యంగా ప్రవర్తించడం మొదలుపెట్టాడు. ఆమె గదికి వెళ్లి అసభ్యకరంగా తాకుతూ ఇబ్బంది పెట్టాడు. తన కామకోరికలు తీర్చాలంటూ వేధింపులకు గురిచేశాడు. అతని అసభ్య ప్రవర్తనతో విసిగిపోయిన ఆమె పోలీస్ కంట్రోల్ రూంకి ఫోన్ చేసి ఫిర్యాదు చేసింది. విషయం తెలుసుకున్న పోలీసులు నిందితుడిని అరెస్టు చేసి కటకటాల వెనక్కి నెట్టారు. నిందితుడిని రిమాండ్‌కి తరలించారు.

Also Read: