ఇక నుంచి రైల్వే స్టేషన్లలో భారీ స్క్రీన్లు..

డిజిటల్ ఇండియాలో భాగంగా రైల్వే స్టేషన్ల ఆధునికరణపై రైల్వేశాఖ దృష్టిసారించింది. ఈ చర్యలో భాగంగా దేశంలోని అన్ని రైల్వే స్టేషనల్లో భారీ డిజిటల్ స్క్రీన్లు ఏర్పాట్లు చేయాలని నిర్ణయం తీసుకుంది. అయితే దీన్ని దశల వారీగా అమలు చేయనున్నారు. తొలి దశలో దేశంలోనిప్రధాన నగరాలు, పట్టణాలతో సహా దాదాపు 2 వేల రైల్వే స్టేషన్లలో ఇవి ప్రత్యక్షం కానున్నాయి. రైళ్ల రాకపోకలు, ప్లాట్ ఫాం వివరాలతో పాటు...రిజర్వేషన్లు, సీట్ల వివరాలు తదితర సమాచారం ఈ స్రీన్‌లో ప్రదర్శించనున్నారు. ప్రయాణికుల సౌకర్యార్ధం ఈ మేరకు నిర్ణయిం తీసుకున్నట్లు రైల్వే అధికారులు పేర్కొంటున్నారు. ప్రధాని మోడీ ఇచ్చిన డిజిటల్ ఇండియా పిలుపు మేరకు దీన్ని అమలు చేస్తున్నామన్నారు.

ఆదాయమే లక్ష్యం...

రైల్వే స్టేషన్లలో ఏర్పాటు చేయబోయే ఈ భారీ స్క్రీన్లలో అంతే భారీ మొత్తంలో ప్రకటనలు కనిపించనున్నాయి. రైల్వే ఆదాయం పెంచే చర్యలో భాగంగా ఇందులో ప్రకటనలకూ చోటు కల్పించాలని రైల్వే శాఖ నిర్ణయం తీసుకుంది.