హేమామాలిని రోజూ మద్యం సేవిస్తారు.. కానీ..

బాలీవుడ్ డ్రీమ్ గర్ల్ హేమామాలినిపై అనుచిత వ్యాఖ్యలు చేశారు మహారాష్ట్రకు చెందిన ఓ ఎమ్మెల్యే. ఆమె ప్రతిరోజూ విఫరీతంగా మద్యం సేవిస్తారని అన్నారు. అంతేకాదు 75శాతం ఎంపీలు, ఎమ్మెల్యేలు, జర్నలిస్టులు కూడా రోజూ మందుకొడతారని వ్యాఖ్యానించారు.

మహారాష్ట్రలో రైతుల ఆత్మహత్యలపై ఆయన మీడియాతో మాట్లాడుతూ ఈ వ్యాఖ్యలు చేశారు.

‘‘మద్యం సేవించడం వల్లే రైతులు ఆత్మహత్యలకు పాల్పడుతున్నారని చెబుతున్నారు. అది కరెక్టు కాదు. 75శాతం ఎంపీలు, ఎమ్మెల్యేలు, జర్నలిస్టులు మద్యం సేవిస్తారు. అంతెందుకు హేమామాలిని కూడా రోజూ మద్యం సేవిస్తారు. అలా అని వీళ్లంతా ఆత్మహత్యకు పాల్పడ్డారా?’’ అంటూ అమరావతి జిల్లాలోని అచల్ పూర్ స్వతంత్ర ఎమ్మెల్యే బాచు కడు వ్యాఖ్యానించారు.

గతేడాది సచివాలయంలో ఓ ఆఫీసర్ పై చేయిచేసుకొని వార్తల్లోకి ఎక్కిన కడు.. వివాదాస్పద వ్యాఖ్యలకు కేరాఫ్ అడ్రస్ గా నిలుస్తున్నారు.