భార్యను శునకంతో సెక్స్‌లో పాల్గొనమని ఒత్తిడి

శునకంతో సెక్స్‌లో పాల్గొనమని భార్యని ఒత్తిడి చేసిన భర్తను పోలీసులు అరెస్ట్ చేసిన ఘటన కర్ణాటకలోని బెలగావి జిల్లాలో చోటుచేసుకుంది. శునకంతో సెక్స్‌లో పాల్గొనమని గత నాలుగు నెలలుగా భర్త తనని బలవంతం చేస్తున్నాడంటూ బాధితురాలు కటకోల్ పోలీసులకి ఫిర్యాదు చేశారు. అంతేకాకుండా తన మాట వినకుంటే, ఇంట్లోంచి తరిమేస్తానని బెదిరింపులకి పాల్పడుతున్నాడని బాధితురాలు తన ఫిర్యాదులో పేర్కొన్నారు.

బాధితురాలి ఫిర్యాదుపై స్పందించిన పోలీసులు.. ఆమె భర్త సందీప్ పాండే(పేరు మార్చడమైనది)ను అదుపులోకి తీసుకున్నారు. అసహజ పద్ధతిలో సెక్స్‌లో పాల్గొమని భార్యపై ఒత్తిడి తీసుకురావడంతోపాటు ఆమెని ఇంట్లోని తరిమేస్తానని బెదిరింపులకి పాల్పడినందుకు అతడిపై ఐపీసీ సెక్షన్ 498, 504, 506, 377 సెక్షన్ల కింద కేసు నమోదు చేశారు.

గత నాలుగు నెలలుగా రాత్రిపూట మొబైల్ ఫోన్‌లో అసభ్యకరమైన సెక్స్ వీడియోలు చూపిస్తూ.. తనని కూడా అలాగే చేయమని బలవంతం చేస్తున్నాడని బాధితురాలు పోలీసులకి మొరపెట్టుకున్నారు. మార్చి 22వ తేదీన రాత్రి 10:30 గంటలకి ఓ శునకాన్ని ఇంటికి తీసుకొచ్చిన భర్త, దానిని రెచ్చగొట్టి తనపైకి పంపించే ప్రయత్నం చేశాడని... మాట విననందుకు ముగ్గురు పిల్లలతో సహా ఇల్లు వదిలివెళ్లాల్సిందిగా బెదిరించాడని ఆమె పోలీసులకి తెలిపారు.

గత రెండేళ్లుగా తనని హింసిస్తూ, మానసికంగా శారీరకంగా నరకం చూపిస్తున్నాడని ఆవేదన వ్యక్తంచేశారామె. ప్రస్తుతం బాధితురాలి వయస్సు 25 ఏళ్లు. ఏడేళ్ల క్రితం వివాహమైన ఈ జంటకి ముగ్గురు సంతానం వున్నారు.