నేను రాష్ట్రపతి రేసులో లేను: మోహన్ భగవత్

రాష్ట్రపతి రేసులో తాను లేనని ఆరెస్సెస్ చీఫ్ మోహన్ భగవత్ స్పష్టం చేశారు. మరాఠీ కొత్తయేడాది ‘గుడి పడ్వా’ సందర్భంగా నాగ్ పూర్ లో జరిగిన కార్యక్రమంలో ఆయన పాల్గొన్నారు. ఈ సందర్భంగా ఆయన మాట్లాడుతూ రాష్ట్రపతి రేసులో తానున్నట్లు మీడియాలో వస్తున్న వార్తలు ఎప్పటికీ నిజం కావడని భగవత్ అన్నారు. తాను సంఘ్ తో పనిచేస్తానని చెప్పిన ఆయన..ఒకవేళ రాష్ట్రపతి పదవికి తనపేరు ఎవరైనా సూచించినా తిరస్కరిస్తానని పేర్కొన్నారు.

రాష్ట్రపతిగా మోహన్ భగవత్ ను చేయాలని శివసేన ఎంపీ సంజయ్ రావత్ ఇటీవల అభిప్రాయపడిన సంగతి తెలిసిందే.