కేజ్రీవాల్‌ కాలర్ పట్టుకొని తీహార్ జైలుకు...

ఢిల్లీ ప్రజలకు నమ్మించి వంచించిన అరవింద్ కేజ్రీవాల్ ను కాలర్ పట్టుకొని తీహార్ జైలుకు పంపించేంత వరకు నిద్రపోనని కపిల్ మిశ్ర శపథం చేశారు. హవాలా మార్గంలో ఆమ్ ఆద్మీ పార్టీకి భారీగా నిధులు సమకూరినట్లు కపిల్ ఆరోపించారు. కేజ్రీవాలకు మాఫియాతో లింకులున్నట్లు కపిల్ సంచలన ఆరోపణలు చేశారు.

ఆదివారం తన నివాసంలో మీడియా సమావేశం నిర్వహించిన కపిల్.... ఆప్ కు ఏయే మార్గాల్లో నిధులు వచ్చాయన్న అంశంపై పీపీటీ ప్రదర్శించారు. నోట్లరద్దు సమయంలోనూ ఆప్ కు రూ.కోట్లు వచ్చిపడ్డాయని ఆరోపించారు. కేజ్రీవాల్ సహా ఇతర ఎమ్మెల్యేలు, నేతలు అవివీతిపరులేనని ఘాటుగా వ్యాఖ్యానించారు.

ఆమ్ ఆద్మీ పార్టీ అవినీతిలో కూరుకుపోయినట్లు చెప్పిన కపిల్.. ఢిల్లీ ప్రజలను కేజ్రీవాల్ మోసం చేశారని.... ఆయన కాలర్ పట్టుకొని తీహార్ జైలుకు పంపిస్తానని హెచ్చరించారు. తన వద్ద ఉన్న ఆధారాలు రేపు సీబీఐకి అప్పగించి..ఫిర్యాదు చేస్తానని కపిల్ చెప్పారు.

మీడియా సమావేశంలో స్పృహ తప్పి పడిపోయిన మిశ్రను ఆసుపత్రికి తరలించారు.

అటు అవినీతి ఆరోపణలు ఎదుర్కొంటున్న కేజ్రీవాల్ తక్షణమే సీఎం పదవికి రాజీనామా చేయాలని బీజేపీ డిమాండ్ చేసింది.