తత్కాల్ రూల్స్ మారాయి... అవేంటో తెలుసా...

మీరు తత్కాల్ టిక్కెట్లు బుక్ చేసుకోవాలనుకుంటున్నారా... అయితే బుకింగ్‌కు సంబంధించి రూల్స్ మారాయి మీకు తెలుసా... తెలియకపోతే తెలుసుకోండి. దీనికి సంబంధించి ఐఆర్‌సీటీసీ కొత్త నిబంధనల్ని ప్రవేశపెట్టింది. ఇకపై మనం వెళ్లాలనుకున్న రూట్‌ ట్రైన్‌కు తత్కాల్ టికెట్ బుక్ చేసుకున్నాక... ఆ రైలు రూటును మార్చినా... ప్రయాణికులు ఎక్కాల్సిన స్టేషన్... దిగాల్సిన స్టేషన్... ఈ రెండూ ఆ మార్గంలో లేకపోయినా ప్రయాణికులు తమ ప్రయాణాన్ని రద్దు చేసుకుని చార్జీలు పూర్తిగా తిరిగివ్వాలని కోరవచ్చట.

మిగిలిన రూల్స్ విషయానికి వస్తే... తత్కాల్ టికెట్‌ బుక్ చేసుకున్నాక... రైలు మూడు గంటలు అంతకు మించి ఆలస్యమైతే ఛార్జీలు పూర్తిగా తిరిగివ్వాలని కోరే అవకాశం కల్పించారు. అలాగే మనం బుక్ చేసుకున్న క్లాస్ కాకుండా... దిగువ తరగతిలో వెళ్లాలని రైల్వే అధికారులు కోరితే... ఇష్టం లేని ప్రయాణికులు ఆ టికెట్‌ను పూర్తిగా రీఫండ్ కోరవచ్చు. ప్రయాణికులు అందుకు అంగీకరిస్తే... ఛార్జీల మధ్య తేడాను ప్రయాణికులకు రైల్వే చెల్లిస్తుంది. ఇలా ఐఆర్‌సీటీసీ కొత్త నిబంధనల్ని అమలులోకి తీసుకొచ్చింది.