భారత్‌కు విచ్చేసిన ఇండోనేషియా అధ్యక్షుడు

రెండు రోజుల పర్యటన కోసం ఇండోనేషియా అధ్యక్షుడు జోకో విడోడో భారత్ కు విచ్చేశారు. తన భార్యతో కలిసి వచ్చిన విడోడోకు రాష్ట్రపతి భవన్ వద్ద ఘన స్వాగతం లభించింది. ప్రధాని మోడీ స్వయంగా ఎదురేగి ఆయనకు స్వాగతం పలికారు. అనంతరం విడోడో రాష్ట్రపతి ప్రణబ్ ముఖర్జీని కలిశారు. 2014లో అధ్యక్షుడిగా ఎన్నికైన విడోడో భారత్ కు రావడం ఇదే తొలిసారి. ఆయన ఆదివారం రాత్రికి ఇండియా చేరుకున్నారు. రాత్రవ్వడంతో ఎలాంటి స్వాగత కార్యక్రమాలు ఏర్పాటు చేయలేదు. అందుకోసం సోమవారం ఉదయం ఘన స్వాగత ఏర్పాట్లు చేశారు.

విడోడో తన భార్య ఇరియానాతో పాటూ కొందరు మంత్రులను, సీనియర్ అధికారులను, 22 మంది వ్యాపారవేత్తలనూ వెంట తీసుకుని వచ్చారు. సోమవారం మధ్యాహ్నం మోడీతో ద్వైపాక్షిక చర్చల్లో పాల్గొన్నారు. పలు అంశాలపై కీలకంగా చర్చించి సంతకాలు చేసుకున్నారు.