రాహుల్ గాంధీ ప్రసంగ ‘స్ఫూర్తి’తో రాజీనామా

కాంగ్రెస్ ప్లీనరీలో రాహుల్ గాంధీ స్పీచ్ స్ఫూర్తితో గోవా కాంగ్రెస్ అధ్యక్షుడు తన పదవికి రాజీనామా చేశారు. పార్టీ చీఫ్ స్ఫూర్తితో రాజీనామా ఏంటో అర్థం కాలేదా..? ప్లీనరీలో రాహుల్ మాట్లాడుతూ.. నాయకత్వ బాధ్యతలను చేపట్టడానికి యువతరం ముందుకు రావాలని పిలుపునిచ్చారు. దీంతో రాహుల్ మాటలకు విలువిస్తూ.. శాంతారామ్ నాయక్ తన పదవికి రాజీనామా చేశారు. ఈయన ఏప్రిల్ 17న 72వ ఏట అడుగుపెట్టబోతున్నారు.

గతవారం ప్లీనరీలో రాహుల్ మాట్లాడుతూ.. యువతరానికి దారి ఇవ్వాలన్నారు. వయసు మీదపడిన నేతలు పక్కకు తప్పుకోవాలని పరోక్షంగా సూచించారు. దీంతో గత ఏడాది జూలై నుంచి గోవా కాంగ్రెస్ చీఫ్‌గా కొనసాగుతున్న నాయక్ పదవి నుంచి వైదొలిగారు.