ఎవరీ నీరవ్ మోడి ?

పంజాబ్ నేషనల్ బ్యాంకును నిలువునా ముంచిన ఎంచక్కా విదేశాలకు మకాం మార్చిన వజ్రాల వ్యాపారి నీరవ్‌ మోడీ జీవన ప్రస్థానం అత్యంత ఆసక్తికరమైనది. గుజరాత్‌కు చెందిన వజ్రాల వ్యాపారస్తుల కుటుంబంలో పుట్టిన నీరవ్‌కు చిన్నప్పటి నుంచి వజ్రాలంటే తెగ ఇష్టం. ఆకోరికే అతన్ని ప్రపంచానికే వజ్రాల రాజధానిగా గుర్తింపు పొందిన బెల్జియం వరకు వెళ్లేలా చేసింది. అమెరికన్ యూనివర్సిటీలో చదువు మధ్యలోనే ఆపేసి భారత్ కు వచ్చేలా చేసింది.

మామ సాయంతో వద్ద వజ్రాల వ్యాపారంపై మరింత పట్టు సాధించిన నీరవ్ మోడి తన మొట్ట మొదటి వజ్రాల దుకాణాన్ని 2014లో ఢిల్లీలో ఏర్పాటు చేశారు. దేశ రాజధానిలో ప్రారంభమైన ఆయన ప్రస్థానం అక్కడి నుంచి లండన్, న్యూయర్క్, లాస్ వెగాస్, హవాయి, సింగపూర్, బీజింగ్, మకావూలో పెద్ద పెద్ద వజ్రాభరణాల దుకాణాలు పెట్టేంత వరకు వెళ్లింది. న్యూయర్క్ లోని మ్యాడ్సన్ అవెన్యూలో ఈయన పెట్టిన వజ్రాల దుకాణాన్ని 2015లో అమెరికా అధ్యక్షుడు డోనాల్డ్ ట్రంప్ ప్రారంభించారు.

హాలీవుడ్ చెందిన కేట్ విన్స్ లెట్, స్పీల్ బర్గ్ నుంచి బాలీవుడ్‌లోని ఐశ్వర్యరాయ్ వరకు ఇలా లెక్కపెట్టలేనంత మంది ఈయన రెగ్యులర్ కస్టమర్లు. నీరవ్‌ ఆభరణాలకు ప్రియాంక చోప్రా బ్రాండ్‌ అంబాసిడర్‌గా కొనసాగుతున్నారు. ఆమెకు కూడా రెన్యూమరేషన్ ఇవ్వకుండా నీరవ్ డబ్బులు ఎగ్గొట్టాడు. దీంతో ప్రియాంక ఆయనపై చీటింగ్ కేసు పెట్టింది.

భారతీయ మీడియా ఈయన్ని 'డైమండ్ కింగ్' అని 'వజ్రాల రారాజు' అని కీర్తించడంతో పాటు 'ఫోర్బ్స్' పత్రిక భారత్‌లో అత్యంత పిన్నవయస్కుడైన బిలియనర్‌ అంటూ ఆకాశానికి ఎత్తేసింది. అంతర్జాతీయ స్థాయిలో కూడా పేరు ప్రఖ్యాతలు వచ్చేశాయి. ఇక దీంతో నీరవ్ అసలు ఆటకు తెరలేపాడు. పేరు ప్రఖ్యాతలు, బడాబాబులతో సంబంధాలు అడ్డం పెట్టుకొని బ్యాంకులను బురిడీ కొట్టించాడు. ఈయన కుటుంబసభ్యుల్లో పలువురికి విదేశాల్లో కూడా పౌరసత్వం ఉండడంతో ఎంచక్కా దేశం దాటేసి ఎంజాయ్ చేస్తున్నాడు.