ఇండియాలో తిష్ట వేసిన ఇస్లామిక్ స్టేట్!

ఇస్లామిక్ స్టేట్ (ఐసిస్) ఇండియాలో తిష్టవేసిందా? అవకాశం దొరికినప్పుడు భారీ విధ్వంసానికి పాల్పడేందుకు పన్నాగం పన్నిందా? అంటే అవుననే సమాధానం వినిపిస్తోంది. ఉగ్రవాదులు మంగళవారం ఉదయం మధ్యప్రదేశ్ భోపాల్-ఉజ్జయిని ట్రైన్ ను పేల్చేసే కుట్ర పన్నారు. ఒక బోగిలో మంటలు వ్యాపించి (బ్లాస్ట్ ) తొమ్మిది ప్రయాణీకుల దాకా గాయపడ్డారు. ఇందులో ముగ్గురి పరిస్థితి విషమంగా ఉంది.

ఈ దాడులకు తొమ్మిది మందిని పోలీసులు లక్నో, కాన్పూర్ లలో అరెస్టు చేశారు.

అయితే మరో ఐసిస్ సభ్యుడు సైఫుల్లా ఉత్తర్ ప్రదేశ్ లోని థాకూర్ గంజ్ సమీపంలో ఓ ఇంటిని అద్దెకు తీసుకొని...రైలును పేల్చేసేందుకు భారీ కుట్రకు వ్యూహ రచన చేసినట్లు భద్రతా దళాలు చేశాయి. మంగళవారం ఉదయం నుంచి సాయంత్రం వరకు భద్రతా దళాలను ముప్పు తిప్పలు పెట్టిన సైఫుల్లాను లొంగిపోవాలని ఎంత చెప్పినా వినిపించుకోలేదు. చివరికి సైఫుల్లా సోదరుడితో కూడా మాట్లాడించారు. అయినా తాను అమరవీరుడినే అవుతానంటూ చెప్పాడు. దీంతో భద్రతా దళాలు ఎన్ కౌంటర్ చేశాయి.

అతని వద్ద రైలును పేల్చేందుకు మ్యాపు, ఎనిమిది పిస్టోళ్లు, భారీ మందుగుండు సామాగ్రి లభించింది.

ఇండియాలో ఐసిస్ బలోపేతానికి, మంగళవారం ఉజ్జయిన ట్రైన్ పేల్చేసేందుకు నాయకత్వం వహించింది అతిఫ్ ముజాఫర్ అలియాస్ అల్ ఖాసీం అని తేలింది. ఈతడు అలీఘడ్ యూనివర్సిటీ నుంచి ఇంజనీరింగ్ పట్టా పొందాడు.

అతిఫ్ నాయకత్వంలో ఇండియా ‘కొరసన్’ పద్ధతిని అమలు చేయడానికి తీవ్రవాదులు కుట్రపన్నారు. పాకిస్థాన్-అఫ్ఘానిస్తాన్ సరిహద్దుల గుండా భారత్, తదితర దేశాలకు ఐసిస్ విస్తరింపజేయడమే ‘కొరసన్’ మ్యాడ్యుల్ లక్ష్యం. ఇందులో భాగంగానే భారత్ లోని యువతను చేరదీసి ‘జీహదీ’ పాఠాలు బోధించడం, తర్వాత విధ్వంసాలకు శిక్షణ ఇవ్వడం వీటి పని.

పోలీసులకు చిక్కిన ఇదే ముఠా త్వరలో ఉత్తర్ ప్రదేశ్ లోని బరాబంకి సుఫీ మందిరంపై దాడులు చేయాలని కూడా వ్యూహ రచన చేసిట్లు ఏటీఎస్ గుర్తించింది.

టెర్రర్ గ్రూప్ లో పట్టుబడిన వారంతా 20-22 సంవత్సరాల వయసుగల వారే ఉండటం గమనార్హం.