ఎండలు భగభగ.. ఇదిగో, ఈ ఆమ్లెటే సాక్ష్యం!

దేశంలో ఎండలు మండుతున్నాయి. ఎంతగా అంటే.. ఎండలో ఆమ్లెట్ వేసుకునేంత. నిజమేనండి, కావాలంటే మీరే చూడండి. అహ్మదాబాద్‌లో ఎండల తీవ్రత సోమవారం 43.3 డిగ్రీలకు పెరిగింది. దీంతో, అక్కడి జనం భయటకు రావాలంటేనే భయం వ్యక్తం చేశారు. వాళ్లని మా ‘సమయం’ టీమ్ పలకరించినప్పుడు.. ‘‘ఈ ఎండలో తిరిగితే ఆమ్లెట్ అయిపోతాం’’ అంటూ సమాధానం ఇచ్చారు. ఔనా, ఈ ఎండలో ఆమ్లెట్ కూడా వేయొచ్చా అనే ఆలోచనతో ఓ చిన్న ప్రయోగం చేశాం.

☀ ఉదయం 11 గంటలకు ఎండలోకి వెళ్లాం. కాసేపు ఎండ వేడికి పెనాన్ని వేడెక్కించి, రెండు గుడ్లు దానిపై వేశాం. అయితే, ఆ సమయంలో ఎండ తీవ్రత ఎక్కువగా లేదు. దీంతో.. ఆ ప్రయోగం విఫలమైంది.

☀ మధ్యాహ్న2 గంటలకు మళ్లీ ప్రయత్నం చేశాం. ఈ సారి ఎండ చాలా ఎక్కువగా ఉంది. 3 గంటలకు పెనంగా బాగా వేడెక్కింది. దానిపై రెండు గుడ్లను వేశాం. అంతే.. అది అచ్చం స్టవ్ మీద ఉంచినట్లుగా... ఉడకడం మొదలైంది.

☀ 3.30 గంటలకు ఆమ్లెట్ సిద్ధమైంది. వెనక వైపు కూడా కాలితే ఇంకా రుచిగా ఉంటుంది కదా. అందుకని దాన్ని తిరగేసి కాసేపు ఎండలోనే ఉడికించాం. మొత్తానికి ఏ ఇంధనం లేకుండా, సహజంగా లభించే ఎండలోనే ‘ఆమ్లెట్’ వేసుకున్నాం.

☀ గుడ్లు.. ఆమ్లెట్లు అవుతున్నాయంటే, ఎండ ఎంత తీవ్రంగా ఉందో అర్థం చేసుకోవచ్చు. దాని ప్రభావం.. ప్రాణాలకే ప్రమాదకరమైన ఈ పరిస్థితుల్లో ఎందరో కార్మికులు చెమటోడ్చి కష్టపడుతున్నారు. పాపం వాళ్ల కోసమైన ఎండ తీవ్రత తగ్గితే బాగుంటుంది కదూ.