పరువు నష్టం కేసులో కేజ్రీవాల్‌కు చుక్కెదురు

ఢిల్లీ ముఖ్యమంత్రి, ఆమ్ ఆద్మీ పార్టీ కన్వీనర్ అరవింద్ కేజ్రీవాల్ కు చుక్కెదురైంది. ఢిల్లీ డిస్ట్రిక్ట్ క్రికెట్ అసోసియేషన్ (డీడీసీఏ) వ్యహారంలో తన ప్రతిష్టకు భంగం కల్గించారంటూ కేంద్రమంత్రి అరుణ్ జైట్లీ దాఖలు చేసిన పరువునష్టం కేసులో కేజ్రీవాల్ పటియాల కోర్టు నోటీసులు జారీ చేసింది.
డీడీసీఏ అధ్యక్షుడిగా జైట్లీ కొనసాగిన సమయంలో అవినీతి, అక్రమాలకు పాల్పడ్డారని కేజ్రీవాల్ గతంలో ఆరోపించారు. దీన్ని ఖండిస్తూ జైట్లీ కేజ్రీవాల్ సహా మరో ఐదుగురు ఆప్ నేతలపై రూ.10కోట్ల పరువు నష్టం చెల్లించాలని కేసు వేశారు.

ఈ కేసు నుంచి తమను మినహాయించాలని కేజ్రీవాల్ కోరారు. అయితే కోర్టు ఆ విజ్ఞాపనను తోసిపుచ్చింది.

పటియాలా చీఫ్ మెట్రోపాలిటన్ మెజిస్ట్రేట్ సుమిత్ దాస్...కేజ్రీవాల్, అశుతోష్, కుమార్ విశ్వాస్, సంజయ్ సింగ్, రాఘవ్ చద్దా, దీపక్ వాజ్ పేయ్ లకు నోటీసులు జారీ చేశారు.

వీరంతా మే 20న విచారణకు హాజరు కావాలని నోటీసుల్లో ఆదేశాలు జారీ చేశారు.