జల్లికట్టుపై హోంశాఖకు ఆర్డినెన్స్ డ్రాఫ్ట్

జల్లికట్టు నిర్వహణ కోసం తమిళనాడు ప్రత్యేక ఆర్డినెన్స్ తీసుకొచ్చేందుకు ప్రయత్నాలు ప్రారంభించింది. శుక్రవారం ఉదయం ఆర్డినెన్స్ డ్రాఫ్ట్ ను కేంద్ర హోంశాఖకు పంపించింది.

‘‘ఈ రోజు ఉదయం ఆర్డినెన్స్ ను కేంద్ర హోంశాఖకు పంపాం. ఒకటి రెండు రోజుల్లో జల్లికట్టు నిర్వహణకోసం పంపిన డ్రాఫ్ట్ కు ఆమోదం లభిస్తుందని ఆశిస్తున్నా’’ అని తమిళనాడు సీఎం ఓ పన్నీరు సెల్వం శుక్రవారం ఉదయం మీడియాతో చెప్పారు.

తమిళనాడు ప్రభుత్వం ప్రభుత్వం ఆర్డినెన్స్ డ్రాఫ్ట్ ను హోంశాఖ పరిశీలించి..ఓకే అనుకుంటే దాన్ని రాష్ట్రపతి ఆమోదం కోసం పంపుతుంది. రాష్ట్రపతి సంతకం చేస్తే అప్పుడు ఆ ఆర్డినెన్స్ అమలవుతుంది.
జల్లికట్టు విధించిన నిషేదం ఎత్తివేయాలని పన్నీరు సెల్వం గురువారం ప్రధానమంత్రి నరేంద్ర మోదీని కలిసి విన్నవించిన విషయం తెలిసిందే.

అటు జల్లికట్ట నిర్వహణకు అనుమతి ఇవ్వాలని డీఎంకే నేతృత్వంలో శుక్రవారం రైల్ రోకో చేపట్టగా...మెరీనా బీచ్ వద్ద ప్రజలు ఆందోళన కొనసాగిస్తున్నారు.