రాజకీయపార్టీని స్థాపించిన ‘జల్లికట్టు’యువత

సుప్రీంకోర్టు నిషేదాజ్ఞలు తోజిరాజంటూ చెన్నై మెరీనా బీచ్ సాక్షిగా పోరాటం చేసి తమ సంప్రదాయ క్రీడ జల్లికట్టు అమలు కోసం ప్రత్యేక చట్టం సాధించుకున్న తమిళనాడు యువత కొత్త పార్టీ పెట్టింది.
ఎన దేశం ఎన ఉరుమై (నా దేశం నా హక్కు) పేరుతో జల్లికట్టు ఉద్యమంలో పాల్గొన్న యువత శనివారం రాజకీయ పార్టీని స్థాపించింది. తమ పార్టీలో కుల, మతాలకు తావులేదని, కలలు కనండి సాకారం చేసుకోండి అన్న అబ్దుల కలామ్ ఆశయాలకు అనుగుణంగా పనిచేస్తామని పార్టీ వ్యవస్థాపకులు చెప్పారు.

ఎబినేజర్, సత్య, ప్రవీణ్, సుకన్య, కార్తీ, స్వతంత్ర దేవీ, ప్రసాద్, ప్రకాశ్ లు కన్వీనర్లులుగా ఎన్నికయ్యారు .

అవినీతి రహిత సమాజం కోసం తాము పార్టీని ప్రారంభించామని.. జయ మరణంతో ఖాళీ అయిన ఆర్కెనగర్ అసెంబ్లీ నుంచి తమ అభ్యర్థిని పోటీ చేయిస్తామని నేతలు వెల్లడించారు.

త్రివర్ణ పతకాన్ని పోలిన పార్టీ జెండాను ఏర్పాటు చేసిన యువకులు..మధ్యలో యువకుడు సంకెల్లు తెంచుకుంటున్న చిత్రాన్ని ముద్రించారు. యువశక్తికి తమ పార్టీ ప్రతిబింబంగా ఉంటుందని వారు తెలిపారు.