రాజకీయాల్లోకి జయ మేనకోడలు ?

అన్నా డీఎంకే పార్టీ పగ్గాలు శశికళకు అప్పగించడంపై జయలలిత మేనకోడలు దీపా జయకుమార్ ఫైర్ అయ్యారు. ఇదో దురదృష్టకరమైన సంఘటనగా ఆమె అభివర్ణించారు. ప్రజలు ఆమె నాయకత్వాన్ని అంగీకరించబోరని ఆమె టైమ్స్ ఆఫ్ ఇండియాతో మాట్లాడుతూ అన్నారు. శశికళ నియామకం మరిన్ని సమస్యలు తెచ్చిపెడుతుంతని దీప ఆందోళన వ్యక్తం చేశారు.

రాజకీయాల్లోకి వస్తారా అన్న ప్రశ్నకు ప్రజలు కోరితే ఆ అవకాశం ఉందని దీప చెప్పారు. తన భవిష్యత్ పై సమీక్ష చేసుకోవాల్సిన అవసరం ఉందని ఆమె అన్నారు.

తన మరణానంతర వారసురాలిగా జయ శశికళను నియమించాలని ఆమె ఏనాడు చెప్పలేదని దీప స్పష్టం చేశారు. ‘మా అత్త మమ్మల్ని రాజకీయాలకు దూరంగా ఉంచేందుకు ప్రయత్నించేవారు. అందుకే దూరం పెట్టారు. కానీ శశికళ తరపు నుంచి ఎన్నో కుట్రలు జరిగేవి. మా అత్తకు తెలియకుండా శశికళ ఆమె కుటుంబ సభ్యులు ఎన్నో చేశారు. అవన్ని జయకు కోపం తెప్పించేవని’ దీప ఆవేదన వ్యక్తం చేశారు.