యాప్నగరం

జయ మృతిపై డాక్టర్ శంకర్ ఏమన్నారు?

ఎవరీ డాక్టర్ శంకర్? ఆయన జయలలిత వ్యక్తిగత వైద్యుడు.

TNN 8 Feb 2017, 7:46 pm
ఎవరీ డాక్టర్ శంకర్? ఆయన జయలలిత వ్యక్తిగత వైద్యుడు. జూన్ లో ఆమె ఆరోగ్యం కాస్త పాడైనప్పుడు అతనే మొదట చికిత్స చేశారు. కాగా ప్రస్తుతం తమిళనాట రాజకీయాలు వేడెక్కిన తరుణంలో జయ మరణంపై తనకున్న సందేహాలను మీడియాకి తెలిపారాయన. జయ మరణం తనని చాలా ఆశ్చర్యపరిచిందని అన్నారు శంకర్. ఇంకా ఆయన మాట్లాడుతూ... జూన్ లో జయ అనారోగ్యం పాలయ్యారని, తాను చికిత్స చేశాక నడిచారని, తన పనులు తాను చేసుకున్నారని చెప్పారు. అనంతరం హఠాత్తుగా తనను వైద్యం చేసేందుకు రానివ్వలేదని చెప్పారు. డాక్టర్ శివకుమార్ చేత వైద్యం చేయించడం ప్రారంభించారని తెలిపారు.
Samayam Telugu jayalalitha personal doctor shankars doubts on her death
జయ మృతిపై డాక్టర్ శంకర్ ఏమన్నారు?


శివకుమార్... ఇళవరసికి బంధువని, ఇళవరసి శశికళకు బంధువని తెలిపారు. ముందుగా చికిత్స చేసిన తనను కనీసం శివకుమార్ సంప్రదించలేదని చెప్పారు శంకర్. కొద్ది రోజులకే జయ తీవ్రంగా అనారోగ్యం పాలైందని చెప్పి ఆసుపత్రిలో చేర్చారని తెలిపారు. అపోలో వైద్యులు కూడా తనను సంప్రదించలేదని శంకర్ తెలిపారు. తాను చేసిన వైద్యమే కొనసాగిస్తే తప్పకుండా జయ కోలుకునేవారని అన్నారు. అయితే జూన్ వరకు తాను జయ ఆరోగ్యాన్ని పర్యవేక్షించానని, అంతా బాగుందని చెప్పారు. రెండు నెలల్లోనే ఆమె తీవ్ర అనారోగ్యం ఎలా పాలయ్యారో అర్థం కావడం లేదని, ఆ అనారోగ్యంతో ఆమె మరణించడం తనని చాలా ఆశ్చర్యపరిచిందని ఆయన తెలిపారు.

జయకు అధిక స్థాయిలో స్టెరాయిడ్స్ ఇవ్వడం వల్లే ఆమె బలహీన పడ్డారని తెలిపారు. అపోలో వైద్యులు కూడా జయ ఆసుపత్రిలో చేరే సమయానికే పరిస్థితి విషమగా ఉందని, రక్తంలో బ్యాక్టిరియా కారణంగా అన్ని అవయవాలు చెడిపోయినట్టు తెలిపారు. అయితే పరిస్థితి అంత విషమంగా మారే వరకు ఎందుకు జయను ఆసుప్రతిలో జాయిన్ చేయలేదని డాక్టర్ శంకర్ ప్రశ్నించారు. డాక్టర్ శంకర్ వ్యాఖ్యలతో జయ మృతి చుట్టూ ఉన్న అనుమానాలు మరింతగా పెరుగుతున్నాయి.

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.