ఇవాళ సాయంత్రం జయలలిత పార్ధీవదేహానికి అంత్యక్రియలు

తమిళనాడు ముఖ్యమంత్రిగా ఆ రాష్ట్ర ప్రజలకు తిరుగులేని పాలనను అందించి, వారి హృదయాల్లో 'అమ్మ'గా చెరగని ముద్రవేసుకున్న జయలలిత ఆదివారం అర్ధరాత్రి కన్నుమూసిన సంగతి తెలిసిందే. జయలలిత మృతితో యావత్ తమిళనాడు శోకసంద్రంలో మునిగిపోయింది. ఆరుసార్లు ముఖ్యమంత్రిగా తమకు చక్కటి పాలన అందించిన అమ్మ ఇక తమకు లేరని తెలిసి తమిళ ప్రజలు తట్టుకోలేకపోతున్నారు.

ఇదిలావుంటే, మరోవైపు మంగళవారం సాయంత్రం, అంటే ఇవాళ సాయంత్రం 4:30 గంటలకు జరగనున్న జయలలిత అంత్యక్రియలకు ఏర్పాట్లు సైతం మొదలయ్యాయి. మరీనా బీచ్‌కి సమీపంలోని తమిళనాడు దివంగత ముఖ్యమంత్రి, ఏఐఏడీఎంకే పార్థీ వ్యవస్థాపకులు ఎం.జీ. రామంచంద్రన్ సమాధి చెంతనే జయలలిత భౌతిక కాయానికి కూడా అంత్యక్రియలు జరగనున్నాయి. అభిమానులు, పార్టీ కార్యకర్తలు, ప్రజల సందర్శనార్థం రాజాజీ హాలులో జయలలిత పార్ధీవ దేహాన్ని ఉంచనున్నారు. ఇవాళ సాయంత్రం అక్కడి నుంచే అమ్మ అంతిమయాత్ర ప్రారంభం కానుంది.