లాక్‌డౌన్‌లో మాజీ సీఎం కుమారుడి పెళ్లి.. ప్రభుత్వం ‘కెమెరా’ కన్ను

మాజీ ప్ర‌ధాన మంత్రి, జేడీ (ఎస్‌) అధినేత హెచ్‌డీ దేవేగౌడ‌ మ‌నవ‌డు.. మాజీ ముఖ్య‌మంత్రి, కుమార‌స్వామి కొడుకు నిఖిల్ గౌడ పెళ్లిపై తాజాగా కర్ణాట‌క ప్ర‌భుత్వం క‌ఠిన ఆదేశాల‌ను జారీ చేసింది. పెళ్లి మొత్తాన్ని ప్ర‌భుత్వ వ‌ర్గాలు వీడియో తీయాల‌ని, మార్గ‌ద‌ర్శ‌కాల‌ను అతిక్ర‌మిస్తే అక్క‌డిక్క‌డే అరెస్టు చేయాల‌ని రాష్ట్ర డిప్యూటీ సీఏం అశ్వ‌త్ నార‌యణ్ ఆదేశించారు. 28 ఏళ్ల నిఖిల్ నిశ్చితార్థం గ‌త ఫిబ్ర‌వ‌రిలో సీనియ‌ర్ కాంగ్రెస్ నేత కృష్ణ‌ప్ప మ‌నుమ‌రాలు రేవ‌తితో జ‌రిగింది. అయితే బెంగ‌ళూరులో శుక్ర‌వారం పెళ్లి జ‌ర‌గాల్సి ఉండ‌గా.. లాక్‌డౌన్ కార‌ణంగా రామ‌న‌గ‌ర జిల్లాలోని కుమారస్వామి ఫామ్‌హౌస్‌కు మార్పు చేశారు.

Must Read: లాక్‌డౌన్‌ వేళ .. 2 ప్ర‌త్యేక రైళ్లు .. వాళ్ల‌కే అనుమతి

ఈక్ర‌మంలో ప్ర‌భుత్వ మార్గ‌ద‌ర్శ‌కాలను పాటిస్తామ‌ని చెప్పి కుమార‌స్వామి అనుమ‌తులు తీసుకున్నారు. పెళ్లిలో పాల్గొనేవారు మాస్కులు ధ‌రించేలా, శానిటైజ‌ర్‌తో చేతులు శుభ్రం చేసుకునేలా చూస్తామ‌ని తెలిపారు. అలాగే అతిథుల మ‌ధ్య సామాజిక దూరం ఉండేలా జాగ్ర‌త్త‌లు తీసుకుంటామ‌ని స్ప‌ష్టం చేశారు.
ఈ వేడుక‌కు దేవేగౌడ‌-చెన్న‌మ్మ దంపతులు, సమీప బంధువులు మాజీ మంత్రి హెచ్‌డీ రేవ‌ణ్ణ‌, హ‌స‌న్ లోక్‌స‌భ ఎంపీ ప్ర‌జ్వ‌ల్ గౌడ, ఇత‌ర కుటుంబ స‌భ్యులు హాజ‌ర‌వుతార‌ని తెలుస్తోంది.

Must Read: క‌రోనా పోరాటంపై మ‌త రంగును పులమొద్దు .. అమెరికాపై భార‌త్ ఫైర్‌

మ‌రోవైపు లాక్‌డౌన్ నెల‌కొన్న దృష్ట్యా.. ఈ వివాహ వేడుక‌కు దూరంగా ఉండాల‌ని పార్టీ నేత‌లు, కార్య‌క‌ర్త‌లకు కుమార‌స్వామి విజ్ఞ‌ప్తి చేశారు. త‌మ ఇంటి నుంచే నూత‌న దంప‌తుల‌ను ఆశీర్వ‌దించాల‌ని కోరారు. మ‌రోవైపు ప‌రిస్థితులు సాధారణ స్థితికి వచ్చాక బెంగ‌ళూరులో రిసెప్ష‌న్ నిర్వ‌హిస్తామ‌ని తెలిపారు. ఇక పెళ్లి జ‌రుగుతున్న రామ‌న‌గ‌ర జిల్లా గ్రీన్ జోన్‌లో ఉంది. ఇప్ప‌టివ‌ర‌కు ఒక్క కరోనా పాజిటివ్ కేసు కూడా న‌మోదు కాలేదు.