కర్ణాటకలో సివిల్ సర్వెంట్ల (Karnataka Civil Servants) వివాదానికి ఇప్పట్లో తెరపడే సూచనలు కనిపించడం లేదు. ఐఏఎస్ రోహిణి సింధూరి (Rohini Sindhuri), ఐపీఎస్ రూపా మౌడ్గిల్‌ల (Roopa Moudgil)పై కర్ణాటక ప్రభుత్వం చర్యలు తీసుకుని.. ఇద్దర్నీ బదిలీ చేసిన విషయం తెలిసిందే. అయితే, తాజాగా రూపా మౌడ్గిల్.. తన ఫేస్‌బుక్‌ పేజ్‌లో పెట్టిన ఓ పోస్ట్ సంచలనంగా మారింది. నా కుటుంబాన్ని కాపాడుకోడానికే పోరాటం చేస్తున్నానంటూ రూపా పోస్ట్ చేయడంతో వివాదం కొత్త మలుపు తిరిగింది. అంతేకాదు, గతంలో తమిళనాడు, కర్ణాటకలో సివిల్ సర్వీసెస్ అధికారులు ఆత్మహత్యలకు వాళ్లు కనీసం జాగ్రత్తలు తీసుకోకపోవడమే కారణమని పేర్కొన్నారు.
కుటుంబం విచ్ఛిన్నం కాకుండా పోరాటం చేస్తున్నా.. నేను చాలా శక్తివంతమైన మహిళను.. పోరాటం చేస్తాను.. బాధిత మహిళలందరి తరఫున నా పోరాటం.. అందరు మహిళలు ఒకేలా పోరాటం చేయలేరు.. పలువురి జీవితాలు నాశనం అయ్యేందుకు కారణమైన మహిళను నిలదీయక తప్పదు.. భారత్‌ అంటేనే కుటుంబ బంధాలు, విలువలకు పెద్ద పీట వేసే దేశమని అందరికీ తెలుసు.. ప్రజా జీవితాలను ప్రభావితం చేసే అవినీతిపై చేసే పోరుకు ప్రతి ఒక్కరూ కలిసికట్టుగా ముందుకు రావాలి’ అని ఆమె పిలుపునిచ్చారు.
తాను చెప్పాల్సిన దానిని పరోక్షంగా పోస్టులో రాశారు రూపా మౌడ్గిల్. కాగా, రూపా మౌడ్గిల్, రోహిణి సింధూరిలకు సోషల్ మీడియాలో ఎలాంటి ఆరోపణలు చేయొద్దని, బహిరంగ ప్రకటనలు ఇవ్వొద్దని కర్ణాటక ప్రభుత్వ ప్రధాన కార్యదర్శి వందితాశర్మ ఇప్పటికే ఆదేశించారు. ఇద్దరినీ బదిలీ చేసి, పోస్టింగులు ఇవ్వకుండా హోల్డింగ్‌లో ఉంచినా రూపా ఫేస్‌బుక్‌లో పోస్టు పెట్టడం గమనార్హం.
ఐఏఎస్, ఐపీఎస్ అధికారిణుల మధ్య వివాదాన్ని నిలిపేసేందుకు చర్యలు తీసుకుంటామని ఐటీ, బీటీ శాఖ మంత్రి అశ్వత్థనారాయణ తెలిపారు. ఆయన బుధవారం తనను కలిసిన విలేకరులతో మాట్లాడుతూ... ముఖ్యమంత్రితో చర్చించి తదుపరి నిర్ణయాన్ని తీసుకుంటామన్నారు. విధాన పరిషత్తులోనూ రూప, రోహిణి గొడవపై ఎమ్మెల్సీ హెచ్‌.విశ్వనాథ్‌, మరికొందరు సభ్యులు బుధవారం మాట్లాడటం గమనార్హం.
Read More Latest National News And Telugu News
కుటుంబం విచ్ఛిన్నం కాకుండా పోరాటం చేస్తున్నా.. నేను చాలా శక్తివంతమైన మహిళను.. పోరాటం చేస్తాను.. బాధిత మహిళలందరి తరఫున నా పోరాటం.. అందరు మహిళలు ఒకేలా పోరాటం చేయలేరు.. పలువురి జీవితాలు నాశనం అయ్యేందుకు కారణమైన మహిళను నిలదీయక తప్పదు.. భారత్‌ అంటేనే కుటుంబ బంధాలు, విలువలకు పెద్ద పీట వేసే దేశమని అందరికీ తెలుసు.. ప్రజా జీవితాలను ప్రభావితం చేసే అవినీతిపై చేసే పోరుకు ప్రతి ఒక్కరూ కలిసికట్టుగా ముందుకు రావాలి’ అని ఆమె పిలుపునిచ్చారు.
తాను చెప్పాల్సిన దానిని పరోక్షంగా పోస్టులో రాశారు రూపా మౌడ్గిల్. కాగా, రూపా మౌడ్గిల్, రోహిణి సింధూరిలకు సోషల్ మీడియాలో ఎలాంటి ఆరోపణలు చేయొద్దని, బహిరంగ ప్రకటనలు ఇవ్వొద్దని కర్ణాటక ప్రభుత్వ ప్రధాన కార్యదర్శి వందితాశర్మ ఇప్పటికే ఆదేశించారు. ఇద్దరినీ బదిలీ చేసి, పోస్టింగులు ఇవ్వకుండా హోల్డింగ్‌లో ఉంచినా రూపా ఫేస్‌బుక్‌లో పోస్టు పెట్టడం గమనార్హం.
ఐఏఎస్, ఐపీఎస్ అధికారిణుల మధ్య వివాదాన్ని నిలిపేసేందుకు చర్యలు తీసుకుంటామని ఐటీ, బీటీ శాఖ మంత్రి అశ్వత్థనారాయణ తెలిపారు. ఆయన బుధవారం తనను కలిసిన విలేకరులతో మాట్లాడుతూ... ముఖ్యమంత్రితో చర్చించి తదుపరి నిర్ణయాన్ని తీసుకుంటామన్నారు. విధాన పరిషత్తులోనూ రూప, రోహిణి గొడవపై ఎమ్మెల్సీ హెచ్‌.విశ్వనాథ్‌, మరికొందరు సభ్యులు బుధవారం మాట్లాడటం గమనార్హం.
Read More Latest National News And Telugu News