సెక్స్ స్కాండల్: కర్ణాటక మంత్రి రాజీనామా

సెక్స్ స్కాండల్‌‌లో ఇరుక్కున్న కర్ణాటక మంత్రి హెచ్‌వై మేతి ఎట్టకేలకు బుధవారం రాజీనామా చేశారు. ఆయన రాజీనామాను వెంటనే ఆమోదించాలని ముఖ్యమంత్రి సిద్ధరామయ్య గవర్నర్‌ను సిఫారసు కూడా చేశారు. దీంతో రాజీనామా లేఖ పంపిన కొంత సేపటికే ఆమోదించినట్టు ప్రకటించారు. కర్ణాటక ఎక్సైజ్ శాఖా మంత్రి హెచ్‌వై మేతి అసెంబ్లీలోని తన కార్యాలయంలో మహిళతో రాసలీలలు నడిపారన్న ఆరోపణలు ఉన్నాయి. బాగల్‌కోట్‌కు చెందిన ఓ మహిళ సాయం కోసం అతడిని ఆశ్రయించగా, మంత్రి తన కోరిక తీరిస్తేనే సాయం చేస్తానని కండిషన్ పెట్టినట్టు సమాచారం.

వారిద్దరి రాసక్రీడలని మంత్రి మాజీ గన్ మెన్ రహస్యంగా చిత్రీకరించి సీడీలుగా మార్చాడు. ఆ విషయం బళ్లారికి చెందిన సమాచారహక్కు కార్యకర్తకి తెలిసింది. అతను ఢిల్లీ వెళ్లి రాహుల్ గాంధీని కలిసి విషయం వివరించి, ఆ మంత్రిపై కఠిన చర్యలు తీసుకోవాలని కోరారు. సీడీ మీడియా చేతికి కూడా చిక్కడంతో రాజకీయంగా కర్ణాటక ప్రభుత్వానికి తలనొప్పులు ఎదురయ్యాయి. దీంతో ముఖ్యమంత్రే మేతితో రాజీనామా చేయించినట్టు సమాచారం. మేతి మాట్లాడుతూ తన వల్ల ప్రభుత్వానికి ఎలాంటి నష్టం వాటిల్లకూడదనే రాజీనామా చేశానని చెప్పారు. తాను ఏ తప్పూ చేయలేదని అన్నారు.
Excise Minister Shri HY Meti has resigned. I have recommended to Honble Governor to accept the resignation. I have also ordered a probe. — CM of Karnataka (@CMofKarnataka) December 14, 2016