ఫాదర్ అత్యాచారాన్ని సమర్థించుకున్న చర్చి

అత్యాచారం ఎవరిపై జరిగినా అదో క్షమించరాని నేరం. అందులోనూ ఓ మైనర్ బాలికపై అత్యాచారానికి పాల్పడి, ఆ బాధితురాలిని తల్లిని చేయడం అంతకన్నా దారుణం. కానీ కేరళలోని క్యాథోలిక్ బిషప్స్ కౌన్సిల్ తీరు చూస్తోంటే, అది వారికి అంత తప్పుగా అనిపించినట్టు కనిపించడంలేదు. కేరళలో ఓ మైనర్ బాలికపై అత్యాచారానికి పాల్పడి, ఆమెని తల్లిని చేసిన ఓ చర్చి ఫాదర్ కేసు సంచలనం సృష్టించిన సంగతి తెలిసిందే.

ఫాదర్ చేసిన ఈ తప్పిదాన్ని తప్పు అని చెప్పి అతడిపై చర్యలు తీసుకోవాల్సిన కేరళ క్యాథోలిక్ బిషప్స్ మండలి మాత్రం అతడు (ప్రీస్ట్) కూడా మనిషేనని, అతడికీ కోరికలు వుంటాయని చెప్పి ప్రీస్ట్ చేసిన ఘోర తప్పిదాన్ని వెనకేసుకొచ్చింది. ఫాదర్ విషయంలో వాళ్లు వ్యవహరించిన తీరు చూసి షాక్ అవడం సభ్య సమాజం వంతయ్యింది.