కాంగ్రెస్ ఎమ్మెల్యేపై అత్యాచారం కేసు

కేరళకు చెందిన కాంగ్రెస్ ఎమ్మెల్యేపై అత్యాచార కేసు నమోదైంది. తనను కోవలం నియోజకవర్గం ఎమ్మెల్యే ఎం.విన్సెంట్ లైంగికంగా వేధిస్తున్నారని 51 ఏళ్ల మహిళ ఒకరు కేసు పెట్టారు. కేసు పెట్టిన రోజే ఆమె ఆత్మహత్యకు ప్రయత్నించింది. ఆసుపత్రిలో ప్రస్తుతం చికిత్స పొందుతున్నారు. సదరు ఎమ్మెల్యేపై రేప్ కేసుతో పాటు ఆత్మహత్యకు ప్రేరేపించారని కూడా పోలీసులు కేసు నమోదు చేశారు.

తన భార్యకు ఎమ్మెల్యే విన్సెంట్ ఫోన్ చేసి వేధిస్తున్నారని బాధితురాలి భర్త ఆరోపించారు. ఇదిలా ఉండగా తనపై వస్తున్న ఆరోపణలు అవాస్తవమని విన్సెంట్ చెప్పారు. విచారణను ఎదుర్కొంటానని తెలిపారు.