రూటు మార్చిన చైన్ స్నాచర్లు.. అడ్రస్ పేరుతో బురిడీ
చైన్ స్నాచర్ల కొత్త ఎత్తుగడ. కొత్త రూటులో మహిళ్ని బురిడీ కొట్టిస్తున్న తెంపుడుగాళ్లు. అడ్రస్ చెప్పాలంటూ మహిళలతో మాట కలిపి.. చైన్లు లాగేస్తున్న స్నాచర్లు.
Samayam Telugu 8 Feb 2019, 1:16 pm
ప్రధానాంశాలు:
- రోడ్డుపై వెళ్లే వృద్ధురాలిని బురిడీ కొట్టించిన కేటుగాడు
- రెండు మూడు గంటల్లోని నిందితుడి అరెస్ట్
- సీసీ ఫుటేజ్తో ఆటకట్టించిన పోలీసులు
'తెంపుడు'గాళ్లు రూటు మార్చేశారు. చైన్లు చోరీ చేయడంలో కొత్త ఎత్తులతో రోడ్లపైకి వస్తున్నారు. అడ్రస్ కావాలంటూ బిల్డప్ ఇస్తూ.. మహిళల్ని బురిడీ కొట్టిస్తున్నారు. మాటల్లో పెట్టి.. ఒక్కసారిగా మెడల్లో బంగారాన్ని లాక్కెళుతున్నారు. తాజాగా కేరళలోని తిరువనంతపురంలో జరిగిన ఘటనతో చైన్ స్నాచర్ల కొత్త రూటు బయటపడింది. తిరువనంతపురంలో ఓ వృద్ధురాలు రోడ్డుపై నడుచుకుంటూ వెళుతోంది. ఈలోపే ఓ వ్యక్తి స్కూటీపై వచ్చి.. ఆమెతో మాట కలిపాడు. అడ్రస్ కావాలంటూ ఆమెను మాటల్లోకి దింపాడు. వృద్ధురాలు అడ్రస్ గురించి చెబుతున్న సమయంలో.. మెడలోని చైన్ లాక్కొని అక్కడి నుంచి పరారయ్యాడు. ఈ చోరీ ఘటన మొత్తం దగ్గరలోని సీసీ కెమెరాల్లో రికార్డయ్యాయి.
సీసీ ఫుటేజ్తో రంగంలోకి దిగిన ట్రాఫిక్ పోలీసులు.. స్కూటీ నెంబర్ ఆధారంగా తీగ లాగారు. నిందితుడు వేసుకొన్న చొక్కా ఆధారంగా గుర్తించి.. మ్యూజియం జంక్షన్ దగ్గర నిందితుడ్ని పట్టుకున్నారు.
సీసీ ఫుటేజ్తో రంగంలోకి దిగిన ట్రాఫిక్ పోలీసులు.. స్కూటీ నెంబర్ ఆధారంగా తీగ లాగారు. నిందితుడు వేసుకొన్న చొక్కా ఆధారంగా గుర్తించి.. మ్యూజియం జంక్షన్ దగ్గర నిందితుడ్ని పట్టుకున్నారు.