లైంగిక ఆరోపణలు: మంత్రి రాజీనామా

ఓ మహిళపై లైంగిక వేధింపులకు పాల్పడ్డారన్న ఆరోపణలు రావడంతో కేరళ రవాణాశాఖమంత్రి ఏకే శశీంద్రన్ పదవికి రాజీనామా చేశారు. కేరళ అధికార లెఫ్ట్ డెమొక్రటిక్ ఫ్రంట్ కు ఇది ఇబ్బందికర పరిణామం. ఎల్డీఎఫ్ కు సీపీఎం నాయకత్వం వహిస్తోంది. ఎల్డీఎఫ్ లో ఎన్సీపీ భాగస్వామిగా కొనసాగుతోంది. ఇప్పుడు రాజీనామా చేసిన మంత్రి ఎన్సీపీ నేత.

ఫోన్ లో ఓ మహిళను మంత్రి లైంగికంగా వేధిస్తున్నారని కేరళలోని మంగళం టీవీ ఆడియో క్లిప్పింగులను ప్రసారం చేసింది. మంగళం టీవీ మంత్రి లైంగిక వేధింపులుగా చెబుతున్న ఆడియో క్లిప్పింగ్ ప్రసారమైన కాసేపటికే శశీంద్రన్ రాజీనామా ప్రకటించారు.

తనపై ఆరోపణల చేసిన టీవీ వార్తా కథనంపై సమగ్ర విచారణ జరిపించాలని ఆయన డిమాండ్ చేశారు. తనపై ఆరోపణలు రావడంతో మంత్రివర్గంలో కొనసాగడం మంచిది కాదని తానే స్వచ్ఛందంగా రాజీనామా ప్రకటిస్తున్నాని 72ఏళ్ల శశీంద్రన్ వెల్లడించారు.

మంత్రిపై వచ్చిన లైంగిక వేధింపుల ఆరోపణలపై సమగ్ర విచారణకు సీఎం విజయన్ ఆదేశించారు.