మానవత్వం మంటగలుస్తోంది. కుటుంబ సభ్యులని కూడా చూడకుండా.. చిన్న, చిన్న కారణాలతోనే అయినవాళ్లే వృద్ధుల్ని చిత్రహింసలు పెడుతున్నారు. ఇటీవల పశ్చిమబెంగాల్‌లో కోడలు అత్తను చితకబాదిన ఘటనను మర్చిపోకముందే గుజరాత్‌లో మరొకటి జరిగింది. ఇక్కడ వృద్ధురాలని కూడా చూడకుండా సొంత కూతురు, మనవడే చిత్రహింసలు పెట్టారు. తాళ్లతో కట్టేసి చితకబాదారు. ఈ వీడియో సోషల్ మీడియాలో వైరల్‌గా మారడంతో.. నిందితుల్ని పోలీసులు అరెస్ట్ చేశారు.
ఉదేపూర్ జిల్లాలోని సంకెడాలో బాలి బరియా అనే వృద్ధురాలు తన కూతురి దగ్గర ఉంటోంది. ఆమెకు మతిస్థిమితం లేకపోవడంతో.. రోజూ ఇంట్లో వాళ్లను తిట్టే అలవాటుంది. 10 రోజుల క్రితం ముసలావిడ భోజనం పెట్టమని తన కూతురు భావనను అడిగింది. వంట చేయలేదని.. కొద్దిసేపు ఆగమని ఆమె చెప్పింది. దీంతో ఆ వృద్ధురాలు కూతుర్ని తిట్టింది. ఆ సమయంలో ఇంట్లోనే ఉన్న మనవడు కల్పేష్ జరిగినదంతా చూశాడు. తల్లిని తన అమ్మమ్మ తిట్టడంతో ఆగ్రహంతో ఊగిపోయాడు.
కల్పేష్ వెంటనే ఓ తాడు తీసుకొచ్చి వృద్ధురాలిని కట్టేశాడు. ఆమెను దారుణంగా కొట్టాడు.. కూతురు కూడా ముసలావిడపై దాడి చేసింది. తర్వాత ఆమెను ఇంట్లో నుంచి బయటకు విసిరేశారు. ఆ రోజు నుంచి ఆమె కనిపించకుండా పోయింది. బరియా ఇంట్లో లేకపోవడంతో భావన బావ అయిన మరో వ్యక్తి.. వృద్ధురాలి మేనల్లుడు అరవింద్‌కు సమాచారం ఇచ్చాడు. కొద్దిరోజులు ఆమె కనిపించడం లేదని.. వెతకమని చెప్పాడు. అరవింద్ స్థానికంగా ఆరా తీయగా.. ఈ వీడియో బయటపడింది.
ఈ వీడియో తీసుకొని వెళ్లి వృద్ధురాలి కూతురు భావనను నిలదీశాడు. ఆమె జరిగిన విషయాన్ని చెప్పింది. తమను తిట్టడంతో కొట్టామని నిర్లక్ష్యంగా సమాధానం చెప్పింది. అరవింద్ వెంటనే పోలీస్ స్టేషన్‌కు వెళ్లి ఫిర్యాదు చేయడంతో.. భావనతో పాటూ వృద్ధురాలి మనవడ్ని అదుపులోకి తీసుకొని కేసు నమోదు చేశారు. ఇప్పటికీ వృద్ధురాలి ఆచూకీ దొరలేదంటున్నారు పోలీసులు.
Read This Story In English
ఉదేపూర్ జిల్లాలోని సంకెడాలో బాలి బరియా అనే వృద్ధురాలు తన కూతురి దగ్గర ఉంటోంది. ఆమెకు మతిస్థిమితం లేకపోవడంతో.. రోజూ ఇంట్లో వాళ్లను తిట్టే అలవాటుంది. 10 రోజుల క్రితం ముసలావిడ భోజనం పెట్టమని తన కూతురు భావనను అడిగింది. వంట చేయలేదని.. కొద్దిసేపు ఆగమని ఆమె చెప్పింది. దీంతో ఆ వృద్ధురాలు కూతుర్ని తిట్టింది. ఆ సమయంలో ఇంట్లోనే ఉన్న మనవడు కల్పేష్ జరిగినదంతా చూశాడు. తల్లిని తన అమ్మమ్మ తిట్టడంతో ఆగ్రహంతో ఊగిపోయాడు.
కల్పేష్ వెంటనే ఓ తాడు తీసుకొచ్చి వృద్ధురాలిని కట్టేశాడు. ఆమెను దారుణంగా కొట్టాడు.. కూతురు కూడా ముసలావిడపై దాడి చేసింది. తర్వాత ఆమెను ఇంట్లో నుంచి బయటకు విసిరేశారు. ఆ రోజు నుంచి ఆమె కనిపించకుండా పోయింది. బరియా ఇంట్లో లేకపోవడంతో భావన బావ అయిన మరో వ్యక్తి.. వృద్ధురాలి మేనల్లుడు అరవింద్‌కు సమాచారం ఇచ్చాడు. కొద్దిరోజులు ఆమె కనిపించడం లేదని.. వెతకమని చెప్పాడు. అరవింద్ స్థానికంగా ఆరా తీయగా.. ఈ వీడియో బయటపడింది.
ఈ వీడియో తీసుకొని వెళ్లి వృద్ధురాలి కూతురు భావనను నిలదీశాడు. ఆమె జరిగిన విషయాన్ని చెప్పింది. తమను తిట్టడంతో కొట్టామని నిర్లక్ష్యంగా సమాధానం చెప్పింది. అరవింద్ వెంటనే పోలీస్ స్టేషన్‌కు వెళ్లి ఫిర్యాదు చేయడంతో.. భావనతో పాటూ వృద్ధురాలి మనవడ్ని అదుపులోకి తీసుకొని కేసు నమోదు చేశారు. ఇప్పటికీ వృద్ధురాలి ఆచూకీ దొరలేదంటున్నారు పోలీసులు.
Read This Story In English