Kolkata groom: వర్క్ ఫ్రమ్ పెళ్లి పీటలు... తాళిని పట్టుకోవాల్సిన చేతులతో ల్యాప్‌టాప్.. ఫోటో వైరల్

Kolkata groom: ఆఫీసుల్లో పని చేసిన వాళ్లను చూశాం. ఇంటి నుంచి పని చేసిన వాళ్లను చూశాం. కానీ వర్క్ ఫ్రమ్ పెళ్లి మండపం గురించి తెలుసా..? ఓ వ్యక్తి ఈ విధానాన్ని కూడా పరిచయం చేశాడు. పెళ్లి పీటలపై కూర్చుని పని చేశాడు. మండపంలో తాళిని పట్టుకోవాల్సిన చేతులతో ల్యాప్‌ట్యాప్‌ను పట్టుకున్నాడు. పెళ్లి జరిపించడానికి కూర్చున్న పంతుళ్లు.. వాళ్ల పని వాళ్లు చేశారు. దీనికి సంబంధించిన ఫోటో వైరల్ అయింది. ఆ ఫోటోలో వరుడు మండపంలో పెళ్లి పీటలపై కూర్చొని ల్యాప్‌టాప్‌‌పై పని చేయడం.. ల్యాప్‌టాప్‌‌తో బిజీగా ఉన్న వరుడిని పూజారులు ఆశీర్వదించడం చూడవచ్చు. ఈ ఫోటో కోల్‌కతాకు చెందిన వ్యక్తిది. ఈ ఫోటోను @ig_calcutta ఇన్‌స్టాగ్రామ్‌లో పోస్ట్ చేశారు. వారి ఈ ఫోటో క్షణాల్లో వైరల్ అయింది. దీనికి ఇప్పటికే పది వేలకుపైగా లైక్‌లు వచ్చాయి. అయితే దీనిపై నెటిజన్లు రకరకాలుగా కామెంట్లు పెడుతున్నారు. ఒకరైతే "విషపూరితమైన పని సంస్కృతిని ప్రచారం చేయవద్దు. ఇది గర్వించదగినది కాదు." అని కామెంట్ పెట్టారు.

మరొకరు "ఇది నిజమా..? ప్రదర్శనా..? నాకు కచ్చితంగా తెలియదు. ఇది కొంతవరకు తమాషాగా ఉందని నాకు తెలుసు. కానీ విషపూరితమైన పని సంస్కృతిని ప్రోత్సహించవద్దు." అని కామెంట్ పెట్టారు. మరొకరు చాలా ఫన్నీగా వ్యాఖ్యానించారు. ఆ వ్యక్తి ల్యాప్‌టాప్‌పై పని చేయకపోవచ్చు. బహుశా అతను మ్యూజిక్ ప్లే చేస్తున్నాడేమో..? అని అనుమానం వ్యక్తం చేశారు. ఇంకొకరు ఏ సంస్థ కూడా ఉద్యోగిని వారి పెళ్లి సమయంలో పని చేయమని అడగదు, ఒక వేళ నిజమైతే.. ఆ వ్యక్తి పని, వ్యక్తిగత జీవితంలో బ్యాలెన్స్ నేర్చుకోవాలని అని వ్యాఖ్యానించారు. అలాగే "అతను ఏం కంపెనీలో పని చేస్తున్నాడో తెలుసుకోవాలనుకుంటున్నాను." అని ఒకరు కామెంట్ పెట్టారు.

Read Also: National News and Telugu News