ఎర్రబుగ్గ తొలగించకపోతే ఉద్యోగం ఊడింది!

తన కారుపై ఎర్ర తొలగించబోనని ప్రకటించిన కలకత్తా టిప్పు సుల్తాన్ మసీదు ఇమామ్ (మతగురువు) నూర్-ఉర్-రెహ్మాన్ బర్కతిని ఆ పదవిలో నుంచి తొలగించారు. భారత్ ను హిందూ రాష్ర్టంగా ప్రకటిస్తే తాను ‘జీహాద్’గా మారతానని, బ్రిటిష్ కాలం నుంచి తమ కార్లపై ఎర్ర బుగ్గలు కొనసాగిస్తున్నామని.. ఎట్టి పరిస్థితుల్లోనూ వాటిని తొలగించే ప్రసక్తే లేదని బర్కతి ఇటీవల స్పష్టం చేశారు. దీంతో బర్కతిపై పలు చోట్ల కేసులు నమోదయ్యాయి.

దేశ భద్రతకు విఘాతం కలిగించే వ్యాఖ్యలు చేయడం.. తన కారుపై ఎర్రబుగ్గను తొలగించబోనని చెప్పడంతో తాము మసీదు పెద్ద పోస్టు నుంచి బర్కతిని తొలగిస్తున్నట్లు టిప్పు సుల్తాన్ మసీదు ట్రస్టీలు ఒక ప్రకటనలో వెల్లడించారు.

బర్కతి ఈ మసీదు మత గురువుగా 28ఏళ్లపాటు కొనసాగారు.