పాకిస్థాన్‌కు చెంపపెట్టులాంటి తీర్పు

భారత నేవీ మాజీ అధికారి కుల్‌భూషణ్ జాదవ్ కు విధించిన ఉరిశిక్షను తక్షణమే నిలిపి వేయాలని అంతర్జాతీయ న్యాయస్థానం (ఇంటర్నెషనల్ కోర్ట్ ఆఫ్ జస్టిస్) పాకిస్థాన్ ను ఆదేశించింది. ఆగస్టులో వచ్చే తదుపరి తీర్పు వెలువరించేంత వరకు కుల్ భూషణ్ జాదవ్ ఉరిశిక్షపై ఎలాంటి నిర్ణయం తీసుకోవద్దని ఐసీజే స్పష్టం చేసింది.

ఐసీజే తీర్పు పట్ల భారత్ హర్షం వ్యక్తం చేసింది. ‘ఈ తీర్పు పాకిస్థాన్ కు చెంపపెట్టులాంది. భారత్ కు ఇది గొప్ప విజయం. కుల్ భూషణ్ జాదవ్ విషయంలో పాకిస్థాన్ వియాన్నా ఒప్పందాన్ని ఉల్లంఘించి ఉరిశిక్షను విధించింది. అంతర్జాతీయ న్యాయస్థానం తిరుగులేని తీర్పు ఇది. తదుపరి తీర్పు కూడా భారత్ కు అనుకూలంగానే ఉంటుందని ఆశిస్తున్నాం. కుల్ భూషన్ పక్షాన న్యాయపరంగా పోరాడిన భారత న్యాయనిపుణులు, విదేశీ మంత్రి సుష్మా స్వరాజ్ లకు అభినందనలు’ అని కేంద్రమంత్రి వెంకయ్య నాయుడు తెలిపారు.

ఇదే తీర్పును సుప్రీంకోర్టు సీనియర్ న్యాయవాది రామ్ జఠ్మలానీ స్పందిస్తూ.. న్యాయం మన పక్షాన ఉందని వ్యాఖ్యానించారు.