అడవిలో ధ్యానం.. బౌద్ధ సాధువును బలిగొన్న చిరుత!

అడవిలో చెట్టు కింద కూర్చొని ధ్యానం చేసుకుంటున్న ఓ బౌద్ధ సాధువు చిరుత దాడిలో బలయ్యాడు. ఈ ఘటన మహారాష్ట్రలోని టడోబా అడవుల్లో చోటు చేసుకుంది. పులుల సంరక్షిత ప్రాంతమైన ఈ అడవులకు సమీపంలోనే ఓ బౌద్దాలయం ఉంది. అక్కడే సాధువులు ధ్యానం చేసుకుంటుంటారు. ప్రశాంతత కోసం కొందరు సాధువులు సమీపంలోని అడవిలోకి వెళ్తుంటారు. రాహుల్ వాల్కే అనే ఓ బౌద్ద సాధువు కూడా నెల రోజులపాటు అలాగే అడవిలో ధ్యానం చేశాడు. ఇద్దరు సాధువుల అతడికి రోజూ మంచి నీరు, ఆహారం తీసుకెళ్లి ఇచ్చేవారు. మంగళవారం వారిద్దరూ వెళ్లి చూసే సరికి అతడు విగత జీవిగా పడి ఉన్నాడు.

చిరుత దాడిలో ప్రాణాలు కోల్పోయిన సాధువు కుటుంబానికి ఫడ్నవీస్ సర్కారు రూ.12 లక్షల ఎక్స్‌గ్రేషియా ప్రకటించింది. ఈ రిజర్వ్ ఫారెస్ట్‌లో పులులు, చిరుతలతోపాటు ఎలుగుబంట్లు, హైనాలు కూడా ఉన్నాయి. దీంతో అడవి లోపలికి వెళ్లొద్దని సాధువులను గతంలోనే హెచ్చరించామని అటవీ శాఖాధికారులు తెలిపారు.