ముంబైలో భారీ అగ్ని ప్రమాదం

ముంబైలో భారీ అగ్ని ప్రమాదం సంభవించింది. మన్‌కుర్ధ్‌లోని ఓ స్క్రాప్ యార్డులో చెలరేగిన మంటలు చుట్టుపక్కల ఇళ్లకు వ్యాపించాయి. దీంతో దుకాణంకు ఇరువైపున వున్న 20 ఇళ్లు దగ్ధమయ్యాయి. ఘటనాస్థలానికి చేరుకున్న 15 ఫైర్ ఇంజిన్లు మంటలార్పే పనిలో నిమగ్నమయ్యాయి. ఓవైపు భారీగా ఎగిసిపడుతున్న మంటల్ని అదుపులోకి తీసుకువస్తూనే మరోవైపు సమీపంలోని ఇళ్లలోంచి జనాన్ని ఖాళీ చేయించారు ఫైర్ సిబ్బంది.

ఈ ప్రమాదం కారణంగా ఒకరు మృతిచెందడంతోపాటు మరో 13 మంది గాయాలతో ఆస్పత్రిపాలైనట్టు తెలుస్తోంది. ఈ ఘటనలో భారీగా ఆస్తినష్టం సంభవించినట్టు సమాచారం.