రిలయన్స్ సంస్థ (Reliance Industries) అధినేత ముకేశ్ అంబానీ (Mukesh Ambani), ఆయన కుటుంబాన్ని చంపుతానంటూ బెదిరింపులకు పాల్పడిన ఆగంతుకుడ్ని ముంబయి పోలీసులు (Mumbai Police) సోమవారం అదుపులోకి తీసుకున్నారు. ముంబయిలోని గిర్‌గావ్‌లో ఉన్న రిలయన్స్ ఫౌండేషన్ హాస్పిటల్‌ (Reliance Foundation Hospital) ల్యాండ్‌లైన్ నెంబర్‌కు ఈ ఉద్యం మూడు నాలుగుసార్లు గుర్తుతెలియని వ్యక్తి ఫోన్ చేశాడని అధికారులు తెలిపారు. పోలీసులకు ఫిర్యాదుచేయడంతో ఫోన్ నెంబర్ ఆధారంగా అనుమానితుడ్ని అఫ్జల్ అనే వ్యక్తిగా గుర్తించామని చెప్పారు. మొబైల్ నెంబర్‌ను సిగ్నల్స్ ఆధారంగా ట్రేస్ చేసి, అతడు ఎక్కడున్నదీ తెలుసుకుని అరెస్ట్ చేసినట్టు వివరించారు. అయితే, పోలీసుల ప్రాథమిక విచారణలో నిందితుడు మతిస్థిమితం లేని వ్యక్తిగా భావిస్తున్నారు. కేసు నమోదుచేసిన పోలీసులు.. అతడ్ని విచారిస్తున్నారు.
గతేడాది ముకేశ్ అంబానీ అంటీలియా నివాసం సమీపంలో పేలుడు పదార్థాలతో కూడిన వాహనం కలకలం రేపడంతో విచారణలో మాజీ పోలీస్ అధికారి కుట్ర ఉన్నట్టు తేలింది. ముకేశ్ అంబానీ, ఆయన భార్య నీతా అంబానీల పేర్లను ప్రస్తావించి చంపుతామని బెదిరిస్తూ చేతిరాతతో ఉన్న ఓ లేఖ కూడా కారులో ఉంచారు. ఇది చివరకు మహారాష్ట్ర రాజకీయాలను కుదిపేసింది. దీనిపై పోలీసులు విచారణలో ఊహించని పరిణామాలు, మలుపులు చోటుచేసుకున్నాయి.
గతేడాది ముకేశ్ అంబానీ అంటీలియా నివాసం సమీపంలో పేలుడు పదార్థాలతో కూడిన వాహనం కలకలం రేపడంతో విచారణలో మాజీ పోలీస్ అధికారి కుట్ర ఉన్నట్టు తేలింది. ముకేశ్ అంబానీ, ఆయన భార్య నీతా అంబానీల పేర్లను ప్రస్తావించి చంపుతామని బెదిరిస్తూ చేతిరాతతో ఉన్న ఓ లేఖ కూడా కారులో ఉంచారు. ఇది చివరకు మహారాష్ట్ర రాజకీయాలను కుదిపేసింది. దీనిపై పోలీసులు విచారణలో ఊహించని పరిణామాలు, మలుపులు చోటుచేసుకున్నాయి.