వారణాసిలో యూపీ ఫేక్ సీఎం హల్‌చల్

ఉత్తర్ ప్రదేశ్ సీఎం యోగి ఆదిత్యానాథ్‌కి హాలీవుడ్ హీరో విన్ డీజెల్‌కి పోలికలున్నాయని సోషల్ మీడియాలో వస్తోన్న కామెంట్ల సంగతి అలా పక్కనపెడితే ఇప్పుడు ఏకంగా యోగి ఆదిత్యానాథ్ గెటప్‌లోనే ఓ వ్యక్తి వారాణాసిలో హల్‌చల్ చేశాడు. అచ్చం సీఎంలాగే బిల్డప్ ఇస్తూ జెడ్ ప్లస్ కేటగిరీ సెక్యురిటీలా నటిస్తున్న గన్ మెన్లని తన వాహనంకి ఇరువైపులా ఏర్పాటు చేసుకుని వారణాసి రోడ్లపై హంగామా చేశాడీ ఫేక్ సీఎం.

అతడు నిజంగా సీఎం అనుకున్నారో లేక, నిజమైన సీఎంతో షేక్ హ్యాండ్ ఇచ్చే అవకాశం రాదనుకున్నారో ఏమో తెలీదు కానీ రోడ్లపై వున్న జనం కూడా అతడికి షేక్ హ్యాండ్ ఇస్తూ కనిపించారు. రెడ్ బీకాన్ (ఎర్ర బుగ్గ) గల కారులో హుందాగా కూర్చుని, సీఎం సార్ లాగే జనానికి అభివాదం చేస్తూ ముందుకు సాగిపోయిన ఈ వ్యక్తికి సంబంధించిన ఈ వీడియో ఇప్పుడు వైరల్‌గా మారింది. మరి ఈ మొత్తం వ్యవహారంపై యూపీ ప్రభుత్వం ఏమని స్పందిస్తుందో వేచిచూడాల్సిందే!