మూడేళ్ల బాలికపై బస్సులో అత్యాచారం

అభం శుభం తెలియని మూడేళ్ల చిన్నారి కాళ్ల, వేళ్లాపడి మొత్తుకున్నా ఆ కర్కసుడి మనసు కరగలేదు. బస్సులోకి లాక్కెళ్లి పసువులా ఆ చిన్నారిపై అత్యాచారానికి పాల్పడ్డాడు. ఈ ఘటన కోల్కతాలో చోటు చేసుకుంది. పోలీసులు తెలిపిన వివరాలు ప్రకారం.. బాధిత చిన్నారి తన ఐదేళ్ల సోదరుడితో కలిసి ఆడుకుంటుంది. అక్కడే ఉన్న నిందితుడు షేక్ మున్నా (45) ఆమెకు చాక్లెట్ ఇస్తానని చెప్పి ఆమెను పిలిచాడు.

అతని దగ్గరకు వెళ్లగానే మున్నా ఆమెను సమీపంలో ఉన్న లగ్జరీ బస్సులోకి లాక్కెళ్లాడు. బస్సు తలుపులు మూసేసి ఆమెపై అత్యాచారం చేశాడు. చిన్నారి బాధతో అరుస్తున్నా, మృగంలా ఆమెను చిత్ర హింసలకు గురిచేశాడు. బాధితురాలి సోదరుడు బస్సు తలుపు కొట్టి, తన చెల్లిని వదిలేయాలని ప్రాదేయపడ్డాడు. ఎంతకీ తలుపులు తీయకపోవడంతో పరుగు పరుగున ఇంటికి వెళ్లి జరిగిన విషయం తల్లికి చెప్పాడు.

ఆమె స్థానికులతో కలిసి బస్సు వద్దకు చేరి మున్నా నుంచి చిన్నారిని విడిపించింది. స్థానికులు అతడిని చితకబాది పోలీసులకు అప్పగించారు. బస్సులో రక్తం మడుగులో పడివున్న ఆ చిన్నారిని ఆసుపత్రిలో చేర్చారు. ప్రస్తుతం ఆమె కోలుకుంటోందని వైద్యులు తెలిపారు.