వీడియో: భర్త పాట మధురం.. గుండెపై వాలిన భార్య, పోలీసులు షాక్

భార్యాభర్తల మధ్య కలతలు సాధారణమే. అయితే.. కొందరు దంపతుల మధ్య గొడవలు ముదిరి పాకనపడితే పోలీస్ స్టేషన్ వరకు వస్తాయి. ఉత్తర ప్రదేశ్‌లో ఇలాగే ఓ ఇల్లాలు పోలీసులను ఆశ్రయించింది. పోలీసుల పిలుపుతో స్టేషన్‌కు వచ్చిన భర్త తన భార్యను ఇట్టే కూల్ చేశాడు. అతడి టాలెంట్‌ను చూసి అక్కడున్న వారందరూ ఆశ్చర్యపోయారు. ఇంతకీ ఏం చేశాడంటే.. ఏమాత్రం సిగ్గు పడకుండా ఓ బాలీవుడ్ సాంగ్ అందుకున్నాడు. ఆ పాట పాడుతూనే తన భార్య గదవ పట్టుకొని బుజ్జగించాడు. అతడి పాటకు కరిగిపోయిన ఆ మహిళ తన భర్త గుండెలపై అలా ఒదిగిపోయింది. అది చూసి పోలీసు అధికారులందరూ చప్పట్లు కొట్టారు.

యూపీలోని ఝాన్సీలో 2017 ఆగస్టులో చోటు చేసుకున్న ఈ ఘటన.. వాట్సాప్‌లో మరోసారి వైరల్‌గా మారింది. పోలీసులు నచ్చజేప్పే ప్రయత్నం చేపిన మొండికేసిన ఆ మహిళ.. భర్త వచ్చి బాలీవుడ్ పాటు అందుకోగానే కూల్ అయిందట. ‘నా భార్య గురించి నాకు బాగా తెలుసు.. నేనే ఆమె కోపాన్ని పోగొడతాను’ అని పోలీసులతో ఛాలెంజ్ చేసి మరీ అతగాడు రంగంలోకి దిగాడట.

భర్తపై పోలీస్ స్టేషన్లో కేసు పెట్టి పుట్టింటికి వెళ్లిపోయిన భార్య.. పెద్దలతో రాయబారం పంపినా వినలేదట. ఇక తనతో కలిసి బతికేది లేదంటూ తెగేసి చెప్పిందట. చివరి ప్రయత్నంగా ఆ భర్తను పోలీస్ స్టేషన్‌కి పిలిచి మాట్లాడారు. ఈ సందర్భంగా ఈ ఘటన చోటు చేసుకుంది. అప్పటివరకు కౌన్సిలింగ్ చేసినా వినని ఆ మహిళ.. అలా ఒక్కసారిగా కూల్ అయ్యేసరికి అధికారులు విస్తుపోయారు.

తన భార్యను కూల్ చేయడానికి ఆ భర్త బద్లాపూర్ సినిమాలోని పాట అందుకున్నాడు. ఏమాటకామాట చెప్పాలి గానీ సినిమాలో ఉన్నంత రొమాంటిక్‌గా పాట పాడాడు. అందుకే ఆ ఇల్లాలు తన్మయత్వంతో అతడి భుజాలపై వాలిపోయింది. ఆ తర్వాత కన్నీటిపర్యంతమైంది. ఆ మధుర క్షణాలను అక్కడే ఉన్న కొంత మంది తమ సెల్ ఫోన్లలో బంధించారు. సోషల్ మీడియాలో పోస్టు చేయడంతో వైరల్‌గా మారింది. ఈ వీడియోను ఐపీఎస్ మధుర్ వర్మ ట్విటర్‌లో పోస్టు చేశారు.

Also Read: కన్నతల్లిపై ఏ కూతురూ అంత నీచంగా చెప్పదు: హైకోర్టు

Must Read: ఢిల్లీలో పాప.. లేహ్‌లో తల్లి.. విమానంలో తల్లిపాలు, అంతా మానవత్వమే

Don't Miss: దేశాన్ని ఊపేస్తున్న ఫోటో.. ఆ వృత్తి నిబద్ధతకు సలాం