మణిపూర్‌లో నువ్వా, నేనా...

మణిపూర్ శాసనసభ ఎన్నికల్లో అధికార కాంగ్రెస్, భారతీయ జనతా పార్టీ మధ్య హోరా హోరీ పోటీ నెలకుంది. 60 స్థానాలున్న మణిపూర్‌లో కాంగ్రెస్ 17, బీజేపీ 16 స్థానాల్లో ఆధిక్యంలో కొనసాగుతున్నాయి. నాగా పీపుల్స్ ఫ్రంట్‌ 3, ఇతరులు 7 స్థానాల్లో ఆధిక్యంలో ఉన్నారు. ఫలితాల సరళిని చూస్తే మణిపూర్‌లో ఏ పార్టీకి స్పష్టమైన ఆధిక్యం వచ్చే పరిస్థితి కనిపించడం లేదు.

గత పదిహేనేళ్లుగా అధికారంలో కాంగ్రెస్ తిరిగి చేజిక్కించుకునే అవకాశాలు కనిపిస్తున్నాయి. మణిపూర్‌లో మొత్తం 60 స్థానాలుండగా ప్రభుత్వ ఏర్పాటుకు 31 సీట్లల్లో విజయం తప్పనిసరి. అయితే ఏ పార్టీకీ స్పష్టమైన మెజార్టీ లభించకపోయినా కూటమి ద్వారా మద్దతు కూడగట్టి ప్రభుత్వాన్ని ఏర్పాటు చేసే అవకాశముంది. పదిహేనేళ్లుగా అధికారంలో ఉన్నా మళ్లీ విజయం దిశగా కాంగ్రెస్ పయనిస్తుందంటే దానికి కారణం ముఖ్యమంత్రి ఇబోబి సింగ్ సమర్థతే.

మరోవైపు మానవహక్కుల కార్యకర్త ఇరోం షర్మిల ఓటమి చవిచూశారు. రాష్ట్రంలోని తౌబల్‌ నియోజకవర్గం నుంచి పోటీచేసిన ఆమెపై మణిపూర్‌ ముఖ్యమంత్రి, కాంగ్రెస్‌ అభ్యర్థి ఓక్రమ్ ఇబోబి సింగ్‌ విజయం సాధించారు. మణిపూర్‌లో సైనిక దళాల ప్రత్యేక హక్కుల చట్టాన్ని రద్దు చేయాలని డిమాండ్‌ చేస్తూ 16ఏళ్లు నిరాహార దీక్ష చేసిన షర్మిల పీఆర్‌జేఏ పార్టీ స్థాపించి ఈ ఎన్నికల్లో పోటీ చేసిన సంగతి తెలిసిందే.